मगर संघ दक्षिण कोरियाको सम्मान तथा अन्तरक्रिया कार्यक्रम संम्पन्न
नेपाल मगर संघ दक्षिण कोरियाले गत २३ सेप्टेम्वर शनिबारका दिन सौल तुङ्देमुन स्थित नाङलो रेष्टुरेन्टको सभाहलमा एक स्वागत सम्मान तथा अन्तरक्रिया कार्यक्रम संम्पन्न गरेको छ । नेपाल मगर संघ दक्षिण कोरियाका अध्यक्ष खड्ग थापा मगरको सभापतित्वमा सम्पन्न उत्त कार्यक्रम, HWPL WARP Summit शान्ति संम्मेलनमा भाग लिन नेपालदेखि आउनु भएका नेपाल मगर संघका केन्द्रिय अध्यक्ष तथा नेपाल आदिवासी जनजाति महासंघ केन्द्रिय उपाध्यक्ष तथा प्रवक्ता नविन रोका मगरको स्वागत सम्मान तथा अन्तरक्रिया कार्यक्रम गरेको हो ।
उक्त कार्यक्रमको प्रमुख अतिथि मगरसंघ केन्द्रिय अध्यक्ष तथा आदिवासी जनजाति महासंघ केन्द्रिय उपाध्यक्ष तथा प्रवतालाइ नेपाल मगर संघ कोरियाका संरक्षक अप्त पुन मगर तथा अध्यक्ष खड्ग थापा मगर द्धारा स्वागत सम्मान गर्नुको साथै HWPL सम्मेलनमा peace ambassador मनेनित हुनु भएकोमा बधाइ शुभकामना प्रदान गरिएको थियो उक्त कार्यक्रममा राष्ट्रिय खेलाडीहरु नेपाल मार्शल आर्ट कुराश संघ अध्यक्ष दान बहादुर घिसिङ र उशु प्रशिक्षक् चन्द्र तामाङ्लाई समेत मगर संघ दक्षिण कोरियाले सम्मान गरेको थियो ।
उक्त कार्यक्रममा प्रमुख अतिथि नेपाल मगर संघका अघ्यक्ष नबिन रोकामगरले विभिन्न शक्तीले भाषिक ,क्षेत्रिय ,राजनैतिक तथा मगर भित्रको विविधता थर उपथरको नाममा विभाजित गरी मगर एकतालाई कमजोर पार्दै मगरात पहिचानको इतिहासलाई नै समाप्त खेलमा लागेकोले देश बिदेसमा रहने सबै मगरहरु एकजुट हुनुको बिकल्प नरहेको धारणा ब्यक्त गर्नु भएको थियो ।
मगर संघ दक्षिण कोरियाका संरक्षक अप्त पुन मगरले दक्षिण कोरियामा मगर संघ स्थापनादेखी हालसम्मको गतिविधिको बारेमा बोल्दै प्रवासमा ब्यस्त दैनिकिका बिचमा पनि संघलाई निरन्तर अगाडी बढाई रहेको र आगामी दिनमा मगर संघ केन्द्र र कोरिया मगर संघ बिचमा सहकार्य समन्वय गदै अझै सुमधुर सम्बन्ध रहिरहने विश्वास राख्नु भएको थियो । उक्त कार्यक्रम संघका वरिस्ठ उपाध्यक्ष सी पि मगरको स्वागत तथा महासचिब तुल चोचांङी मगरको संचालनमा रहेको थियो ।
