जेनजि आन्दोलनको समर्थनमा, नेपाली दूतावास कोरियामा शान्तिपूर्ण धर्ना हुने
नेपालमा भइरहेको जेनजीको आन्दोलनलाई समर्थन गर्दै कोरियामा पनि प्रदर्शन हुने भएको छ। सौल स्थित नेपाली राजदूतावासमा आगामी शुक्रवार बिहान १० बजेदेखि दिउँसो ३ बजेसम्म शान्तिपूर्ण धर्ना हुने जनाइएको छ।
यस शान्तिपूर्ण विरोध सभाका लागि सौल प्रहरी प्रशाशनबाट अनुमति लिएको एक अभियन्ता येमन सेनले फोनिज कोरियालाई जानकारी गराएकि छन्। प्रहरी प्रशाशनलाई नेपालको वर्तमान घटनाक्रम विस्तृत रुपमा जानकारी गराएर अनुमति लिइएको र यो धर्ना कार्यक्रम कुनै संघ संस्थाबाट परिचालित नभएर स्वस्फुर्त रुपले संगठित भएर गरिन लागेको पनि उनले स्पष्ट पारेकि छिन्।
नेपालमा जेनजीले भ्रष्टाचार, बेतिथी तथा सामाजिक सञ्जालमा प्रतिवन्धको विरुद्धमा हिजो प्रदर्शन गरेको थियो। उक्त प्रदर्शनमा १९ जनाले ज्यान गुमाइसकेका छन भने ४०० बढि घाइते भएका छन्।
