आगामी वर्ष कोरियामा श्रमिकको तलब २.९ प्रतिशतले वृद्धि हुने
२०२६ का लागि कोरियामा श्रमिकको तलब २.९ प्रतिशतले वृद्धि हुने भएको छ।२०२६ को प्रति घन्टा न्युनतम तलब १०,३२० वोन निर्धारण भएको एमटियू अध्यक्ष उदय राईले जानकारी गराएका छन्।
जुलाई १० तारिख बसेको न्युनतम तलब निर्धारण समितिको १२ औ बैठकबाट २०२६ को तलब निर्धारण भएको हो । २०२६ मा श्रमिकको महिनाको तलब (२०९ घन्टा ) २१,५६,८८० वोन हुनेछ ।यो तलब सबै क्षेत्र मा काम गर्ने सबै श्रमिकले पाउनु पर्ने उनले जनाएका छन्।
मजदुर युनियनले माग गरेको भन्दा ज्यादै कम तलब बृद्दि भएको जनाउँदै सरकार पक्षबाट तलब बृद्दि गर्न गरिएको प्रस्ताब को बिरोध गर्दै केसिटियुको प्रतिनिधि सदस्य बैठकबाट बाहिरिएको उनले बताएका छन्। मजदुर संगठनले प्रतिघण्टा ११,५०० वन हुनुपर्ने माग राखेको थियो।
