कोरियामा महिलाका लागि महिलाका अध्यक्षमा पार्वती

दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । आइतबार सउलमा जुम भर्चुयल मार्फत आयोजित छैटौ अधिबेशनले मोक्तानलाई नेतृत्व सुम्पेका हुन् ।

कार्यक्रमका प्रमुख अतिथि सउल राजदूताबासका श्रम काउनसीलर रमा भट्टराईले
महिलाप्रतिको नकरात्मक मान्यतालाई हटाउन महिला नै सक्रिय हुनुपर्ने आग्रह गर्नुभयो । त्यसैगरी आगामी कार्यक्रमहरुमा सहकार्य गर्दै अघि बड्न सउल राजदूताबास तयार रहेको जानकारी पनि गारउनुभयो । साथै विषेश अथिती एनआरएन कोरियाका महिला संयोजक सुजता बस्नेतले निस्कृय जस्तै बनेको संस्थालाई अधिवेशन गरी सेफ ल्यान्डीइ० गरेकामा निर्वतमान कार्यसमितीलाई धन्यवाद दिएका थिए । संस्थालाई सक्रिय बनाउन पुरुषको तुलनामा महिलालाई अझ कठिन हुने भएको अनुभव पनि पोखे ।

निर्वतमान अध्यक्ष रितु श्रेष्ठको सभापतित्वमा सचिव सुष्मा थापाद्धारा संचालित कार्यक्रममा विभिन्न क्षेत्रिय, जातिय लगायत सामाजिक संघसंस्थाका पदाधिकारीहरुद्धारा सुभकामना मनतब्य दिएका थिए ।

सन २०१० मा स्थापना भएको यो संस्थाले विगतमा धेरै सामाजिक तथा आर्थिक सहयोगका कामहरु गर्दै आएका थिए । चर्चको सहयोगमा सेल्टर संचालन देखि कोरियन भाषा कक्षा, स्वस्थ्य सेवादेखि महिलासंग सम्बन्धीत विभिन्न शिपमुलक तालिमहरु पनि विभिन्न कोरियन संघसंस्थाको सहयोगमा संचालन गरेका थिए । साथै विभिन्न समस्यामा परेका महिलाहरुलाई आर्थिक देखि भोतिक तथा नैतिक सहयोग गर्नुका साथै केही विरामी दिदी बहीनीहरुलाई पनि सहयोग गरेका थिए ।

नवनिर्वाचित छैठौं कार्य समितिका पदाधिकारीहरु निम्न अनुसार रहेका छन् ।

अध्यक्ष –  पार्वती मोक्तान
बरिष्ठ उपाध्यक्ष –  स्रुपा गुरुङ
उपाध्यक्ष – कुशला क्षेत्री
उपाध्यक्ष –  मातृ शोभा राई
सचिब – सुश्मा थापा
सह्-सचिब – यमन सेन
कोषाध्यक्ष – देवी घले
सह – कोषाध्यक्ष – मनकुमारी राना

सदस्यहरु-  समुन्द्र अर्याल , ईश्वररी रानाभाट , कल्पना श्रेष्ठ , बिन्दु शाह, कमला साउद , देउता बि.क. , सुजिता बि.क. ।