दक्षिण कोरियाबासी बाग्लुङेहरुले बाढी पहिरोबाट मृतकका परिवारहरुलाइ पठाए राहत
गत साउन महिनाको बाढी पहिरोमा परि बाग्लुङ जिल्लाका विभिन्न ठाउमा निधन हुने आठ जनाको परिवारहरुलाई राहत संकलन गरी पठाइएको छ । निसीखोला गाउपालिका २ का एकै परिवारका मृतक मनिमान छन्त्याल , नन्दिकला छन्त्याल,बिन्दु छन्त्याल र गीता छन्त्याल, निसिखोला गाउपालिका १ का खगिसरा सिंजाली , ढोरपाटन नपा ५ ओम प्रकाश कामी र गलकोट नपा ५ का विवेक बि क र जयलाल कामीको आफन्तहरुलाई नेपाल रेड्क्रस जिल्ला सोसाइटी बाग्लुङ शाखा मार्फत एक कार्यक्रम गरी मृतक जनही रु १५००० का दरले जिल्ला सभापती जब्बर बहादुर लामिछाने मार्फत पीडित परिवारलाई हस्तान्तरण गरिएको छ ।
गत जुलाईमा बाग्लुङ सम्पर्क समिती कोरिया द्वारा आयोजित बनभोज कार्यक्रमबाट बचत रु ५०००० र अभियानबाट संकलित रु ७०००० गरी १२०००० रुपैया एकमुस्ट रकम जिल्ला रेड्क्रस मार्फत पीडित परिवार समक्ष राहत स्वरुप पठाइएको समितिका सचिब टेक पुनले जानकारी गराएका छन । गत बनभोज कार्यक्रमबाट बचत केही रकम सामाजिक कार्यमा उपयोग गर्न पाउदा उक्त कार्यक्रममा उपस्थित भएर सहयोग गरिदिने सम्पूर्ण कोरिया बासी बाग्लुङे तथा गैर बाग्लुङे दाजु भाई दिदीबहिनी हरु तथा राहत संकलन अभियानमा सहयोग गर्नु हुने सबै सहयोगीदाताहरुलाई समितिका अध्यक्ष सुबास लामिछानेले बिशेष धन्यवाद दिएका छन ।
