कोरियामा बाढिपीडित सहयोगार्थ चलचित्र धनपती प्रदर्शन गरिने
किम्हे, कोरियाको किम्हेमा यहि अगष्ट २७ तारिख आइतबार बाढिपीडित सहयोगार्थ नेपाली चलचित्र धनपती प्रदर्शन गरिने भएको छ । विगत केही दिन अघि नेपालमा भारी बर्षाका कारण गएको बाढी पहिरो र डुवानमा परि विचल्लि परेका बाढिपीडितहरुलाई सहयोग गर्न चलचित्र प्रदर्शन गर्न लागिएको हो ।
राइजिंग स्टार ग्रुप कोरियाको प्रस्तुति रहेको चलचित्र धनपति किम्हे बस टर्मिनल नजिकै किम्हे मुना वोन टर्मिनल हल (पहिला धेरै नेपाली चलचित्र प्रदर्शन गरिएको पुरानै हल) मा प्रदर्शन गरिने भएको छ ।
दिपेन्द्र के खनालको निर्देशनमा बनेको चलचित्र धनपतिमा कलाकार खगेन्द्र लामिछाने, सुरक्षा पन्त, मनिष निरौला, आसान्त शर्मा, सुराबी बर्तौला, हरिहर शर्मा, रबि गीरि, कमल देवकोटा, प्रकाश घिमिरेलगायतले अभिनय गरेका छन् ।
