नेपाली विद्यार्थी समाज दक्षिण कोरियाको १४औ बार्षिक साधारणसभा थेगुमा आयोजना हुदै
नेपाली बिद्यार्थी समाज दक्षिण कोरिया सोनसिक (SONSIK ) ले आउने अगस्त १९ र २० तारिखमा दक्षिण कोरियाको थेगु सहर स्थित यंगनाम विश्वबिद्यालयमा सोनसिकको १४ औ बार्षिक साधारण सभाको आयोजना गर्ने भएको छ । कोरियाका लागि नेपाली राजदुत महामहिम अर्जुन जंग बहादुर सिंहको प्रमुख आतिथ्यमा आयोजना हुने उक्त कार्यक्रममा ग्यंगसान सहरका मेयर तथा यंगनाम विश्वबिद्यालयका अध्यक्ष बिशेष अतिथिका रुपमा उपस्थित हुने छन् ।
साधारण सभाको उद्घाटन सत्र शनिबार १-४ बजे सम्म Yeungnam University Gyeongsan को Chunma Arts Center मा आयोजना गरिने छ । उद्घाटन सत्रमा विभिन्न संघसस्थाका प्रतिनिधि पाहुनाहरुलाई पनि आमन्त्रण गरिएको छ । नेपाली सास्कृतिक प्रस्तुति सहित सुरु हुने उद्घाटन समारोहमा SONSIK का कार्यगतिविधिबारे जानकारी प्रदान गरिनुका साथै , SONSIK १३औ कार्यसमितिलाइ सहयोग गर्ने बिद्यार्थी, अग्रज र सहयोगी संघसस्थाहरुलाई सम्मान गरिने छ । साथै कोरियामा २०१७ फेब्रुअरी र अगस्टमा दीक्षित हुनु भएका नेपाली बिद्यार्थीहरुलाई सुभकामना तथा सोनसिक मायाको चिनो प्रदान गरिने छ ।
उक्त साधारणसभाको बन्द सत्र मार्फत १४ औ कार्यसमितिको चयन पनि गरिने छ । त्यसपछि नेपाली हरुको महान चाड तीजको अवसरमा दर खाने र सामुहिक नाचगान गर्दै रमाइलो गराउने तयारी SONSIK ले गरेको छ । बार्षिक साधारण सभाको दोस्रो दिन अर्थात् अगस्ट २० आइतबार UNESCO World Heritage Site Gyeongju City को छोटो Tour तथा Pohang Beach मा घुम्ने व्यवस्था पनि मिलाइएको छ ।
अगस्त २०१६ मा निर्वाचित भएको १३ औ कार्यसमितिले नेपाली बिद्यार्थी समाज दक्षिण कोरिया (सोनसिक) SONSIK को जिम्मेवारी लिएको एक वर्षमा विभिन्न शैक्षिक, सामाजिक तथा सास्कृतिक गतिबिधिमार्फत, कोरियामा नेपाली बिद्यार्थीको चुनौतीलाइ कम गर्ने, र अवसरहरुलाई उजागर गर्नेगरि, कोरियाका विभिन्न क्षेत्रका नेपालीबिद्यार्थी, तथा अग्रजहरु बिच, नेटवर्क विस्तार गर्न अधिकतम प्रयास गरेको छ ।
सोनसिकले आयोजना गर्ने कार्यक्रमहरु मध्ये बार्षिक साधारण सभा सबैभन्दा ठुलो कार्यक्रमको रुपमा आयोजना गरिदै आएको छ । उक्त कार्यक्रममा बर्षदिनमा कम्तिमा एकपल्ट सबैले एक अर्कालाई भेटघाट तथा रमाइलो गर्ने, र सोनसिकको बार्षिक गतिबिधि, आर्थिक विवरणबारे जानकारी दिन, तथा आगामी दिनमा सोनसिकलाइ थप उचाइमा पुर्याउन विचार राख्ने, साथै एउटा राम्रो कार्य समिति लाइ सोनसिक को जिम्मेवारी हस्तान्तरण गरिदै आएको छ ।
१४औ बार्षिक साधारणसभामा सम्पूर्ण नेपाली बिद्यार्थी, प्राध्यापक, अनुशंधानकर्ता, समाजसेवी, मजदुर, ब्यापारी तथा संघ संस्थाका प्रतिनिधि लगायत सम्पूर्ण महानुभावलाइ उपस्थिति भई कार्यक्रमलाई भव्य रुपमा सफाल परिदिनको निम्ति सोनसिक हार्दिक अनुरोध गर्दछ ।
