वल्ड वाटर कलर सम्मेलनमा नेपाली कलाकार आउने
ऐश्वर्य श्रेष्ठ
सोल-दक्षिण कोरियाको राजधानीमा हुन लागेको विश्व वाटर कलर चित्रकला सम्मेलनमा सहभागिता जनाउनका लागि नेपालको प्रतिनिधित्व गदैं चर्चित युवा कलाकार एन बी गुरुङ कोरिया आउने भएका छन् ।
युवा कलाकार गुरुङ आगामी मे १६ तारिखदेखि २२ तारिखसम्म सोलस्थित आर्ट सेन्टरमा हुने विश्व वाटर कलर चित्रकला सम्मेलनमा सहभागी हुन आउने भएका हुन । गुरुङले बनाएको २ वटा पानी रंगको चित्र छनौंट भएपछि आयोजकको विषेश निमन्त्रणामा आउन लागेको नेपाल ललितकला मञ्च कोरिया शाखाका संयोजक बाबु साइला भीमसुब्बा तामाङले बताए ।केही महिना अघि ४८ देशका १५ सय कलाकृतिमध्येबाट उनको चित्र उत्कृष्ट १५०मा पर्न सफल भएको थियो ।
त्रिभुवन विश्वविधालयबाट अंग्रेजी साहित्यमा स्नातकोत्तर गरेका कलाकार गुरुङ विभिन्न संघसंस्थासंग आवद्ध रहनुका साथैं नेपाल सरकारबाट प्रदान गरिने क्षेत्रिय प्रतिभा पुरुस्कार २०७० ,पानी रंग विधातर्फ २०६८मा प्रथम भैं विभिन्न पुरुस्कार प्राप्त गरेका छन् ।
