नेपाल मगर संघ जेजुदो शाखा, दक्षिण कोरियाको ऐतिहासिक दोस्रो अधिवेशन २०२५ सम्पन्न, झरना पुन मगर अध्यक्षमा निर्वाचित
जेजुदो, दक्षिण कोरिया। दक्षिण कोरियामा क्रियाशील नेपालीहरूको एक महत्वपूर्ण संस्था नेपाल मगर संघ जेजुदो शाखाले आफ्नो ऐतिहासिक दोस्रो अधिवेशन २०२५ भव्यताका साथ सम्पन्न गरेको छ। यस अधिवेशनले आगामी कार्यकालका लागि सर्वसम्मत रूपमा २७ सदस्यीय नयाँ कार्यसमिति चयन गरेको छ।
संघको एकता र सहकार्यको उदाहरण दिँदै, अधिवेशनले अध्यक्ष जस्तो गरिमामय पदमा झरना पुन मगरज्यूलाई सर्वसम्मत रूपमा निर्वाचित गरेको छ। मगर समुदायको हित र प्रवासमा रहेका नेपालीहरूको एकताका लागि क्रियाशील यस संस्थाको नयाँ नेतृत्वले थप उर्जाका साथ काम गर्ने विश्वास लिइएको छ।
नवनिर्वाचित कार्यसमितिको बरिष्ठ उपाध्यक्षमा दिनेश बुढाथोकी, उपाध्यक्षमा तुल बहादुर मगर, सुरेन्द्र राना मगर र महिला उपाध्यक्षमा रजन मगर चयन भएका छन् । महा-सचिवमा रमेश राना मगरमा सचिवमा दिवश आले मगर र विनु अस्लामी मगर कोषाध्यक्षमा दिप्सा लामिछाने, सह-कोषाध्यक्षमा कुमार पुन मगर चयन भएका छन् । त्यसैगरी सदस्यहरुमा भक्त वीर थापा मगर, डम्बर थापा मगर, विजय आले मगर, सारु मगर,रामु थापा मगर, बेगम घर्ती मगर, लिलम्बर गाहा मगर, शोम बहादुर थापा, पुर्ण बहादुर राना मगर , लक्ष्मी पुन मगर, सुष्मा मगर, मनु घर्ती मगर, ममता श्रीस, हिमाल राना मगर, दान बहादुर घर्ती मगर, सन्दिप थापा मगर, .बि. थापा मगर निर्वाचित भएका छन् ।
झरना पुन मगरको नेतृत्वमा नेपाल मगर संघ जेजुदो शाखाले थप सफलता हासिल गर्दै मगर समुदायको मौलिक संस्कृति, भाषा र पहिचानको संरक्षण तथा प्रवर्द्धनमा महत्वपूर्ण योगदान पुर्याउने अपेक्षा गरिएको छ।
