काभ्रे सम्पर्क समितिको ८औँ अधिवेशन सम्पन्न, सुष्मा थापा अध्यक्षमा निर्विरोध

दक्षिण कोरियामा कार्यरत काभ्रेलीहरूको साझा संस्था, काभ्रे सम्पर्क समिति दक्षिण कोरियाको आठौँ अधिवेशन शनिबार (अक्टोबर ४, २०२५) सोलस्थित नमस्ते रेस्टुरेन्टको सभाहलमा सम्पन्न भएको छ। निवर्तमान अध्यक्ष सुमन चौलागाईंको अध्यक्षतामा आयोजित कार्यक्रममा नेपाली राजदूतावास, सोलका द्वितीय सचिव जेनिम अधिकारी प्रमुख अतिथिका रूपमा उपस्थित थिए।

बागमती प्रदेश सम्पर्क समितिका वरिष्ठ उपाध्यक्ष गौरव न्यौपाने, नेपाली सम्पर्क समितिका वरिष्ठ उपाध्यक्ष हर्क विष्टलगायत क्षेत्रीय संस्थाका प्रतिनिधिहरू विशेष अतिथिका रूपमा सहभागी थिए। नेपाल आदिवासी जनजाति महासंघ दक्षिण कोरियाका अध्यक्ष विशन राईसहित विभिन्न जातीय संस्थाका प्रतिनिधि र काभ्रेलीहरूको उल्लेखनीय सहभागिता रहेको थियो।

औपचारिक सत्रपछि बन्द सत्रमा संस्थाको प्रगति विवरण र भावी योजना सहितको प्रतिवेदन सहसचिव राजेन्द्र प्रधानले प्रस्तुत गरे। सह-कोषाध्यक्ष सन्दीप थिङले आर्थिक विवरण पेश गरे। सोही सत्रमा सातौँ अधिवेशनको विधान परिमार्जनसहित पारित गरियो।

नव निर्वाचित अध्यक्ष सुष्म थापा

संरक्षक गणेश तिमिल्सिनाको संयोजकत्वमा गठित तीन सदस्यीय निर्वाचन समितिले नयाँ कार्यसमिति चयन गरेको थियो। सर्वसम्मतिमा सुष्मा थापाको नेतृत्वमा नयाँ कार्यसमिति निर्विरोध निर्वाचित भयो।

नवनिर्वाचित कार्यसमिति:
अध्यक्ष: सुष्मा थापा
वरिष्ठ उपाध्यक्ष: हिमाल स्याङ्तान तामाङ
उपाध्यक्ष: नारायण घिमिरे, सुजन सापकोटा
महिला उपाध्यक्ष: सबिना तामाङ (सयरा तामाङ)
सचिव: राजेन्द्र प्रधान
सहसचिव: राजेन्द्र लोप्चन
कोषाध्यक्ष: सन्दीप थिङ
सह-कोषाध्यक्ष: निकिता थापा
सदस्य: सागर तामाङ, भीमसेन वाइवा, सुरज काफ्ले, सुमन पराजुली, दीपेश लामा, प्रितम लामा

नवनिर्वाचित अध्यक्ष सुष्मा थापाले काभ्रेलीहरूको एकता र सामाजिक हितका लागि संस्थालाई सशक्त बनाउने प्रतिबद्धता व्यक्त गरिन्।