गैर आवासीय नेपाली संघ कोरियाको महासचिवमा नरेश शर्मा नियुक्त
बिपिन गुरुङ नेतृत्वको गैर आवासिय नेपाली संघ दक्षिण कोरियाले महासचिव पदमा नरेश शर्मालाई नियुक्त गरेको छ। तत्कालिन महासचिव अजय सोडारी कोरिया बसाईलाई बिट मारि स्वदेश फर्किएपछि उक्त पद रिक्त रहेको थियो। यसैगरि सचिवमा अनन्त आचार्य यूवा संयोजकमा खगेन्द्र जोशि र सदस्यमा सञ्जीव जंग कार्कीलाई चयन गरेको छ।
अक्टोबर २५ तारिख दोङ्देमुन स्थित आफ्नै कार्यालयमा पत्रकार सम्मेलनको आयोजना गर्दै रिक्त पद पदपूर्तीको जानकारी साथै हेल्प डेस्क सञ्चाल अघि र पछि संस्थाले गरेका सामाजिक कार्यहरु सार्वजनिक गरिएको थियो। कार्यक्रममा आर्थिक आयव्यव समेत प्रस्तुत गरिएको थियो। वरिष्ठ उपाध्यक्षले बाहिर आएको आर्थिक अपचलनको विषय झुट रहेको स्पष्ट पारेका थिए। उनले संस्थाको आयव्यय पारदर्शी रहेको जानकारी गराएका थिए।
कार्यक्रममा सल्लाहकारहरुले कोरियामा रहेका दुइ एन आर एन ए संस्था एकता हुनुपर्ने धारणा राखेका थिए। जसले कोरियामा रहेका नेपाली समाजलाई जोड्ने बताएका थिए। यस विषयमा आफू सकारात्मक रहेको र एकताका लागि वार्ता टोली निर्माण गर्न सकिने अध्यक्ष गुरुङले विश्वास दिलाएका थिए। 
