पूर्वी नेपाल समाजद्वारा ‘देउसी भैलो’ कार्यक्रम सम्पन्न
पूर्वी नेपाल समाजले दशैँ, तिहार, नेपाल संवत र छठ पर्वको उपलक्ष्यमा शुभकामना आदानप्रदानसँगै देउसी भैलो विषेश कार्यक्रम सम्पन्न गरेको छ। सरोकार समाजले स्थापना कालदेखी आयोजना गर्दै आएको उक्त कार्यक्रम अक्टोबर २५ तारिख शनिबार बेलुकि दोङ्देमुन स्थित गोर्खा ग्रील्सको सभा हलमा आयोजना गरिएको थियो। 
तिहार विशेष कार्यक्रममा विभिन्न नेपाली परिकारहरु राखिएका थिए। रात्रीभोज सँगै अन्तमा सामूहिक देउसी भैलो समेत खेलिएको थियो।एम टि यू अध्यक्ष उदय राईको प्रमुख आतिथ्य रहेको कार्यक्रममा विभिन्न संघ संस्थाका प्रतिनिधिहरुको उपस्थिति रहेको थियो।
कोरियामा विभिन्न पेसामा आबद्ध रहेका सम्पूर्ण नेपालीहरुलाई शुभकामना आदानप्रदान एवम् विशेष देउसी भैलो कार्यक्रममा उपस्थित सबैलाई कार्यबाहक अध्यक्ष डम्बर मुखियाले धन्यवाद व्यक्त गरेका छन्। 
