एभरेष्ट एफ सीद्वारा आयोजना हुने भनिएको एभरेष्ट कप स्थगित

एभरेस्ट एफ सीले आयोजना गर्न लागेको एभरेस्ट कप स्थगित हुने भएको छ। छोटो समयमा तयारी गर्न कठिन भएको साथै दर्ता टिम पनि न्युन (१५ टिम) रहेकोले प्रतियोगिता आयोजना गर्न नसकिने अध्यक्ष राजु लिम्बूले जानकारी गराएका छन्। प्रतियोगिता अक्टोबर २६ तारिख ख्यङ्साङबुक्दोको गुमीमा आयोजना हुन लागेको थियो।

यस प्रतियोगितालाई आगामी मे २४ तारिख आयोजना गरिने पनि जानकारी दिएका छन्। अहिले प्रतियोगिताको तालिका खालि नभएको र कोरियामा जाडो बढेका कारण अर्को महिनादेखि फूटबल नै स्थगित हुने भएकोले अर्को वर्षको मे महिनाको २४ तारिख आयोजना गरिने मिति तय भएको बताएका छन्। तोकिएको मितिमा टुर्नामेन्ट गर्न नसकेको प्रति आयोजक दुखि हुँदै सबैप्रति क्षमाप्रार्थी रहेको छ।