नोभेम्बर २ देखि कोरियाको विभिन्न शहरहरुमा प्रदर्शन हुँदै चलचित्र ‘रिमै’
नेपालमा प्रदर्शन भैरहेको हिट चलचित्र रिमै कोरियाको विभिन्न शहरहरुमा प्रदर्शन हुने भएको छ। नोभेम्बर २ तारिख तमुधीं कोरियाको आयोजनामा शौल ग्राण्ड शो हुदैँछ भने मुगुक शो पनि नोभेम्बर २ मा नै हुने भएको छ। 
यसैगरी नोभेम्बर ९ तारिख तमुधीं थेगु शाखाको आयोजनामा थेगुमा र माजन एफ सीको आयोजनामा माजनमा दोश्रो हप्ताको शो हुने तय भएको छ। यसैगरी नोभेम्बर १६ मा छुङ्जुमा छुङ्जु नेपाली समाजद्वारा प्रदर्शन गरिने भएको छ। यसपछि पनि अन्य शहरमा प्रदर्शन गरिने वितरकले जनाएको छ। 
तमू जातिको संस्कार र संस्कृतिमा आधरित चलचित्र “रिमै” मा एक दशक पछि दर्शकले कलाकार दयाहाङ राई र रिश्मा गुरुङलाई एकसाथ देख्न पाउनेछन्। चलचित्रमा माओत्से गुरुङ, बुद्धि तामाङ लगायतको अभिनय हेर्न सकिने छ। 
उपेन्द्र सुब्बाको लेखन रहेको चलचित्रलाई खिल बहादुर गुरुङले निर्देशन गरेका छन्। 
