सौलमा चलचित्र ‘रिमै’ नोभेम्बर २ मा, फेरी दयाहाङ र रिश्मा एकसाथ पर्दामा

तमू धीं दक्षिण कोरियाले चलचित्र ‘रिमै’ प्रदर्शन गर्ने भएको छ। चलचित्र नोभेम्बर २ तारिखका दिन दिउसो १२ बजेदेखि दोङ्देमुन स्थित 종로구민회관 को हलमा प्रदर्शन हुनेछ। दोङ्देमुन स्टेसन ३ नम्बर गेटबाट हिँडेरै हलसम्म पुग्न सकिने छ।

संस्थाले “अक्षयकोष स्थापना गरी नेपालमा गरीब तथा जेहन्दार तमू बिधार्थीहरुलाई आर्थिक सहयोगार्थ” चलचित्र प्रदर्शन गर्न लागेको अध्यक्ष तेज गुरुङले जानकारी दिएका छन्।

तमू जातिको संस्कार र संस्कृतिमा आधरित चलचित्र “रिमै” मा एक दशक पछि दर्शकले कलाकार दयाहाङ राई र रिश्मा गुरुङलाई एकसाथ देख्न पाउनेछन्। चलचित्रमा माओत्से गुरुङ, बुद्धि तामाङ लगायतको अभिनय हेर्न सकिने छ।

उपेन्द्र सुब्बाको लेखन रहेको चलचित्रलाई खिल बहादुर गुरुङले निर्देशन गरेका छन्।