दूताबासको राहत कोषमा २५ करोड ३० लाख जम्मा

फोनिज कोरिया संवाददाता

सोल-गत शनिबार गएको भूकम्पबाट पिडित परिवारलाई कोरियाबाट सहयोग गर्ने क्रम बढेको छ | सोलस्थित नेपाली दूताबासले जनाए अनुसार बिहिबार सम्म २५ करोड ५३ लाख वन (करिब २ करोड ५५ लाख रुपैयाँ) सहयोग प्राप्त भएको छ | सरकारी स्तरमा यसअघि नै सहयोग १० लाख अमेरिकी डलर सहयोग प्राप्त भइ सकेको छ | स्थितिलाई मुल्यांकन गरेर पुन सहयोग थप्ने सरकारी योजना छ |

भूकम्पबाट अकल्पनीय क्षति भएपछि कोरियाका लागि नेपाली राजदूत कमानसिंह लामाले उपनियोग प्रमुख राजाराम बर्तौलाको संयोजकत्वमा महाभूकम्प उद्धार राहत कोष स्थापना गरेका थिए | सो कोषमा कोरियाका बिभिन्न कम्पनि तथा सस्थाहरुले सहयोग रकम जम्मा गर्ने क्रम जारि रहेको छ |

दूताबास श्रोतका अनुसार कोरियन एक्जिम बैंकबाट ५ करोड, थेगुस्थित अवैतनिक कन्सुलर डा यूनको सकृयतामा संकलित ५ करोड वन,कोरिया हाइड्रो तथा न्युक्लियर कम्पनि १० करोड वन र अन्यबाट ५ करोड ३० लाख वन प्राप्त भएको छ | त्यस्तै शुक्रबार सुवनका मेयर योम थे यङ सहयोग रकम बुझाउन दूताबास जादै छन् |

राहत कोषका संयोजक बर्तौलाले कोरियाको बिभिन्न सस्थाबाट सहयोग आउने क्रम जारी रहेको बताए | प्राप्त रकमलाई पारदर्शी रुपमा नेपाल पठाइने पनि उनले खुलाए | यसैक्रममा यहाँ कार्यरत व्यक्ति तथा बिभिन्न सस्थाहरु सहयोग संकलनमा लागेका छन् |

त्यसैगरि दुताबासले राखेको शोक पुस्तिकामा कोरियाको सरकारी अधिकारीहरु, बिभिन्न नगरपालिकाका मेयर र सर्बसाधारणले हस्ताक्षर गरेका छन् |