नेपाली सेवा समाज छिन्छनद्वारा हिमालय हाउसको स्थापना
सोल- कोरियाको छिन्छनमा कार्यरत नेपालीहरुको संस्था नेपाली सेवा समाज छिन्छनले हिमालय हाउसको स्थापना गरेको छ । छुङछङ प्रदेशको छिन्छन जिल्ला स्थित छिन्छन शहरमा नेपाली सेवा समाज छिन्छन दक्षिण कोरियाले सेल्टरको रुपमा संचालन गर्ने गरि हिमालय हाउसको स्थापना गरेको हो ।
जनवरी ३१ तारिख आईतबार छिन्छन समाज दक्षिण कोरियाले आयोजना गरेको हिमालय हाउस उद्घाटन कार्यक्रम भब्य रुपमा सम्पन्न गरेको छ । समाजका संस्थापक अध्यक्ष भक्त सुनारको सभापतित्वमा उद्घाटन कार्यक्रममा प्रमुख अतिथि चुङबुक माईग्रेन्ट सेन्टर छिन्छन शखाकी प्रमुख खो उन यङ ज्यु रहनु भएको थियो भने बिशेष अतिथिहरुमा उमसङ नेपाली सहयोग समितिका अध्यक्ष लाल बहादुर साउद , एन सि सी पुर्व सचिव चेत बहादुर बस्नेत र ब्यबसायी तथा समाज सेवी प्रेम गुरुङ रहनु भएको थियो ।
प्रमुख अतिथि चुङबुक माईग्रेन्ट सेन्टर छिन्छन शखाकी प्रमुख खो उन यङ ज्युले रिबन काटेर हिमालय हाउसको उद्घाटन गर्नु भयो । कार्यक्रममा हिमालय हाउस स्थापना गर्न उल्यख्य भूमिका निभाउनु हुने नेपाली सेवा समाज छिन्छनका संस्थापक पदाधिकारीहरुलाई कदर पत्र र समाजलाई बिबिध सहयोग गर्दै आउनु भएकी चुङबुक माईग्रेन्ट सेन्टर छिन्छन शखाकी प्रमुख खो उन यङ ज्युलाई प्रशंसा पत्रले सम्मान प्रदान गरिएको थियो ।
हिमालय हाउसको स्थापना पश्चात खास गरि चुङबुक क्षेत्रमा रहेका बेरोजगार नेपालीहरु लाभांबित हुने छन । उद्घाटन कार्यक्रमका प्राय: सबै बक्ताहरुले नेपाली सेवा समाज छिन्छन कोरियाले स्थापना गरेको हिमालय हाउस उदाहरणिय भएको र यस अभियानलाई सफल पार्न संस्थाले खेलेको भूमकाको प्रशंसा गर्दै यसलाई दिगो र ब्यबस्थित रुपमा संचालन गरिनु पर्नेमा जोड दिए । करिब ४५ जना नेपालीहरुको उपस्थिति रहेको कार्यक्रमको संचालन संस्थाका सचिव दल प्रसाद तिलिजा र सल्लाहकार अनुप बस्नेतले गरेका थिए भने समाजका संस्थापक तथा बर्तमान कार्य समितिका कोषाध्यक्ष बिकल सेरचनले कार्यक्रम ब्यबस्थापनको भूमिका निभाएका थिए ।
नेपाली सेवा समाज छिन्छन दक्षिण कोरिया कोरियाको छुङबुक स्थित छिन्छन क्षेत्रमा कार्यरत युवा समाज सेवी नेपालीहरुको पहलमा गत २०१५ मे १० तारिखको दिन स्थापना भएको हो । सोहि महिनाको ३१ तारिख समाजले छिन्छन शहर स्थित ख्वाङहेवनमा पहिलो भेटघाट तथा परिचयात्मक कार्यक्रमको आयोजना गरेको थियो । करिव ८५ जना नेपालीहरुको उपस्थितिमा सम्पन्न कार्यक्रमबाट सकृय सदस्य तथा साधारण सदस्यहरुको कितान गरि मासिक मासिक लेवी संकलन कार्यलाई अगाडी बढाएको थियो । सोहि भेटघाट कार्यक्रममा प्रस्तुत गरिएको हिमालय हाउस स्थापना गर्ने योजनालाई करिव ८ महिनामा नै पूरा गरिएको छ ।
त्यस्तै यस संस्थाको स्थापना भए पश्चात गत अक्टुबरमा एम्बेश्डर फूटबल कप र नागार्जुन कपमा सफल सहभागिता जनाई खेलकूद क्षेत्रमा समेत राम्रै पहुंच जमाउन सफल भएको छ । गत बैशाख १२ तारिखको महा भुकम्पमा परि दुबै खुट्ट गुमाउन पुगेका सोलुखुम्बु जिल्लाका कक्षा ८ मा अध्ययनरत सन्देश बस्नेत (बर्ष १२) लाई नेरु १ लाख सहयोग गरेको छ भने उमसङ नेपाली सहयोग समितिका निवर्तमान महासचिव बाबुराम पोख्रेलको असामायीक निधनमा उनको परिवारलाई चीर शान्तिको कामना गर्दै ३०१,००० कोरियन वन प्रदान गरेको छ ।
हिमालय हाउस (सेलटर)को ठेगाना:
충청복도 진천군 진천읍 중앙동7길 16, 101호 금성주택
सम्पर्क: भक्त सुनार (अध्यक्ष) – ०१० ३१४१ १९५१
