थेगुमा “व़डा नम्बर छ” भव्य रुपमा सम्पन्न ।
थेगु कोरिया –
थेगुमा “व़डा नम्बर छ” भव्य रुपमा सम्पन्न । एन आर एन ख्यङबोक थेगुले दक्षिण कोरियाको तेस्रो ठूलो शहर थेगुमा २७ डिसेम्बर २०१५ आइतबारको दिन नेपाली हास्यब्ङ्य चलचित्र” व़डा नम्बर छ” भव्य तरीकाले प्रदर्शन गरेको छ।फिल्म सुरु हुनु भन्दा अगाडि करीब चालिस मिनेट जति औपचारि कार्यक्रम रहेको उक्त कार्यक्रममा एन आर एन ए कोरिया को निबर्तमान अध्यक्ष तथा आइ सि सि प्रतिनिधि बिनोद कुवरको प्रमुख आतिथ्य , नेपाली राजदुतावासका श्रम सहचारी अनिल गुरुङ विशेष अतिथि रहनु भएको थियो । संस्थाका सचिव श्री सोम ढकालले संचालन गरेको कार्यक्रम सस्थाका बरिस्ठ उपाध्यक्ष तथा चलचित्र ब्यवस्थापन समितिका संयोजक अर्जुन श्रेष्ठको स्वागत मन्तव्य सहित सुरु भएको थियो।
थेगुमा सेल्टर स्थापना गर्ने उद्देश्यले आयोजना गर्न लागिरहेको उक्त कार्यक्रम थेगुमा मात्र नभइ कोरायाभरि देखाउने र यसबाट बचत सबै रकम सेल्टरको लागि खर्च गरिने यसै कार्यक्रमका सभापति तथा संस्थाका अध्यक्ष नेत्र दुलालले बताए। पाँच सय भन्दा बढी दर्शकहरु रहेको उक्त कार्यक्रममा बोल्दै प्रमुख अतिथि विनोद कुवरले थेगुमा सेल्टर हुनै पर्ने र यसको लागि आफुले सहयोगमा कुनै कसुर बाकी नराख्ने बताए । गैर आवासीय नेपाली संघ द कोरिया केन्द्रिय महिला प्रतिनिधि भावना गुरुङ,उमन फर उमन को तर्फबाट पध्मा श्रेष्ठ तथा स्थानीय संघ सस्थाका प्रतिनिधिको आतिथ्य रहेको उक्त कार्यक्रममा नेपाल हाउस निर्माणको क्रममा उत्कृष्ट सहयोग दाताहरुलाइ कुवर र गुरुङले संयुक्त रुपमा प्रमाणपत्र वितरण गर्नु भएको थियो।
कार्यक्रममा बोल्दै अन्नपूर्ण सेवा समाजका अध्यक्ष नगेन्द्र मगर तथा इपिस युथ नेपालका संयोजक आङ दोर्जे शेर्पा लगाएत संघसस्थाका प्रतिनिधिहरुले थेगुमा सेल्टर स्थापनाको लागि हातेमालो गरेर जाने प्रतिबद्धता ब्यक्त गरे हल स्पोन्सर गर्ने दुर्गा रेस्टुरेन्ट ,ब्यानर स्पोन्सर गर्ने कुमारी भान्सा घर तोन्देमुन तथा थेगु स्थित संघ सस्थाहरुको सहयोगमा सम्पन्न उक्त कार्यक्रम निकै भव्य रुपमा सम्पन्न भएको संस्थाका सदस्य तथा उक्त चलचित्र कोरिया सम्म ल्याउन महत्वपूर्ण भूमिका निर्वाह गरेका नारायण अधिकारीले फोनिज कोरियालाई बताए।
नेपालका टप टेन हास्य कलाकारहरू रहेको सो चलचित्रमा दर्सकहरुलाइ छिनमै आँसु र छिनमै हासोको फोहोरा छुटाउन सक्ने सामर्थ्य रहेको दर्शकहरुको प्रतिक्रिया थियो। लगत्तै जनवरी दशमा बुसानमा प्रदर्शन गरिने र त्यसपछि लगातार कोरियाको अन्य शहरहरुमा पनि प्रदर्शन हुने यस अभियानमा सबै नेपाली लाग्नुपर्ने भएकोले सबै कोरियामा रहनुभएका नेपालीहरुलाई सहयोग गरिदिन एन आर एन ए ख्यङबोक थेगु शाखाले हार्दिक अपिल समेत गरेको छ।
