कोरियाको चासोक तङ्नाममा गायिका सिङ्गकको साथ
सोल-कोरियामा रहेका लिम्बु समुदायले भब्य कार्यक्रम आयोजना गरेर यसपालिको चासोक तङ्नाम ५०७५ मनाएका छन् | किराँत याक्थुङ चुम्लुङ कोरियाले आयोजना गरेको चासोक तङ्नाममा कार्यक्रमलाई गायिका सीता सिङ्गकले पालाम गएर अरु नोस्टाल्जिक बनाएकी थिइन् |
सोलस्थित एमटियु सभाहलमा भएको कार्यक्रममा कोरियामा रहेका सबै जातिय एवम क्षेत्रीय संघ सँस्था, पत्रकार, विद्यार्थी वर्गहरुको बाक्लो उपस्थित रहेको थियो।
नेपाल आदिवासी जनजाति महासंघ दक्षिण कोरियाका अध्यक्ष चित्रबहादुर मोक्तान प्रमूख आतिथि रहेको तङ्नाम कार्यक्रममा सेवा साँबा (पुजारी) प्रकाश लिङ्देनले मुन्धुम वाचन गरि चासोक सेवा गरेका थिए ।
राष्ट्र गान बजाएर अगाडि बढेको कार्यक्रममा कियाचू कोरियाका सचिव सजना यक्सोले कार्यक्रमको बारे प्रकाश पार्दै आगन्तुक सबैलाई स्वागत गरेकी थिइन् |
कार्यक्रमा मुख्य आकर्षणको रुपमा नेपालबाट आमन्त्रण गरिएकि नवोदित लिम्बू/नेपाली गायिका सीता सिङगले पालाम गाउँदै सांगीतिक माहोल तताउँदै २ ओटा नेपाली र ४ ओटा मीठा लिम्बू गितमा बेजोड प्रस्तुती दिइ उपस्थित सबैलाई छमछम नचाउन सफल भएकी थिइन।
कोरियामा चर्चित नेपाली डान्सर रोशना केसिको नृत्यले उपस्थित सबैलाई भरपूर मनोरञ्जन गराएको थियो भने स्थानिय गायक शैलेन चेम्जोङ र असोक थुलुङको गायनमा सबै नाच्नमा मस्त भएका थिए।
सो कार्यक्रममा नवोदित गायक साम लिम्बूको “तिमी मेरो” नामक गीति एल्बमपनि अतिथिहरुद्वारा सामूहिक रुपमा बिमोचन गरिएको थियो।
अध्यक्ष सन्तोष मादेनले औपचारिक कार्यक्रमको बिसर्जन गरेपश्चात चुम्लुङ कोरियाका केलाङ टोलिबाट केलाङ नाची सांगितिक कार्यक्रमको शुरूवात भएको थियो। त्यसलगत्तै किराँत राई यायोक्खाबाट साकेला नाच प्रस्तुत गरिएको थियो।
चासोक तङ्नाम विषेश कार्यक्रम कियाचू महासचिव उत्तम खजुमले संचालन गरेका थिए। सामूहिक यालाङ सँगै कार्यक्रम गोधूली प्रहरमा समापन भएको थियो।
