ऐश्वर्यको गीत ‘थोन मान्ही फर’ चर्चामा (भिडियोसहित)
सोल – कोरियाको पिडालाई जस्ताको तस्तैं शब्दमा उतारिएको साथैं भिडियोमा समेत कोरियन साहुले कामदारलाई गर्ने र्दुव्यवहारलाई झल्काइएको यथार्थपरक सञ्चारकर्मी ऐश्वर्य श्रेष्ठको मर्मस्पर्शी पुर्वेली लोक भाकामा रहेको गीत ‘हरमा हर‘ बोलको गीत संगस नेपालको युटुब च्यानलबाट सार्वजनिक भएको २ दिनमैं चर्चा कमाउन पुगेको छ ।
शुक्रबार मात्र अफिसियल्ली रिलिज गरिएको गीत दक्षिण कोरियामा निक्कैं राम्रो प्रतिक्रिया पाईरहेको छ ।रोजगार प्रणाली ईपिएस मार्फत आएका नेपालीको कथालाई शब्दमा उतारेका सञ्चारकर्मी गायक श्रेष्ठ आफैंले सरु गौंतमको साथमा यो गीत गाएका हुन् ।युटुब र फेसबुकमा सेयर गर्नेको संख्या हवात्तैं बढेको छ । २ दिनमा ५ बढीले हेरीसकेको यो गीतमा नेपालमा रहेकी श्रीमतीले ‘थोन मान्ही फर ‘अर्थात पैंसा धेरैं कमाउ भनेका छन् ।जसको उत्तरको खोजी भिडियो र गीतले दिएको छ ।
एअर भोईस रेडियोमार्फत आधिकारिक रुपमा यो गीतको सार्वजनिक गरिएको हो ।टंक बुढाथोकीले संगीत संयोजन गरेका हुन् । कोरियामा छायांकन गरिएको यो गीतमा अर्का सञ्चारकर्मी डम्बर सुब्बाले निर्देशन गरेको भिडियोमा धर्मेश श्रेष्ठ(‘बाउको फेसबुक ‘सर्ट मुभीबाट चर्चामा आएका),स्निका थापा मगर,गायक श्रेष्ठ,नारायण कार्की,दिपश परियार लगायतले यो भिडियोमा जीवन्त अभिनय गरेका छन् ।भीषण मगरको सम्पादन तथा क्यामेरा रहेको थोन मान्ही फर कोरियामा काम गर्दा नेपालीले भोग्नुपरेको पिडा र आइपर्ने समस्यालाई जीवन्त ढंगले प्रस्तुत गरिएको छ ।
यो गीतको म्युजिक भिडियो अक्टोबर १८ तारिखमा कोरिया युनिभर्सिटीको सिनेमाट्रयापमा ९ औं अन्तराष्ट्रिय आप्रवासी फिल्म फेस्टिभलमा प्रर्दशित गरिएको थियो ।
भिडियो यो लिंकमा गएर हेर्नुहोला ।
