एम डब्लु टि भिको ११ औं बार्षिकोत्सव सम्पन्न,माउल मिडिया रेडियो अवार्डद्धारा सञ्चारकर्मी डम्बर सुब्बा सम्मानित
सोल –दक्षिण कोरियास्थित आप्रावसीहरुको आवाजलाई सञ्चार माध्यमबाट बुलन्द गर्दैं आएको एम डब्लु टि भिले आफनो ११ बार्षिकोत्सव एक दिने रेष्ट्रोरेण्ट कार्यक्रम गरी सम्पन्न गरेको छ ।
शनिबार सोलको छोङ्गनोस्थित रहेको पोटला रेष्टुरेण्टमा विभिन्न पेशा र व्यवसायमा संलग्न रहेको प्रोफेसर,विधार्थी,सञ्चारकर्मी लगायत उल्लेख्य नेपालीहरुको समेत उपस्थिती रहेको थियो ।बेलुका छ बजेबाट शुरु सो एक दिने रेष्ट्रोरेण्ट कार्यक्रम ११ बजेसम्म सञ्चालन भएको थियो भने सो कार्यक्रममा विभिन्न परिकारहरु राखिएका थिए ।
त्यसैंगरी आप्रावासीहरुको आवाजलाई रेडियो कार्यक्रममार्फत बुलन्द गरेकोमा सञ्चारकर्मी डम्बर सुब्बा माउल मिडिया रेडियो अवार्डद्धारा सम्मानित भएका छन् ।सञ्चारकर्मी सुब्बाले कोरियन भाषामा कोरियामा ईपिएसमार्फत कोरिया आई काम गरीरहेका विदेशी कामदारहरुको आवाजलाई रेडियो सिजनमार्फत कार्यक्रम सञ्चालन गरेबापत सो अवार्ड प्रदान गरिएको हो ।दक्षिण कोरियामा रहेर सञ्चारकर्मी सुब्बाले लामो समयदेखि पत्रकारिता गर्दै आएका छन् ,भने उनी पत्रकार महासंघ दक्षिण कोरिया शाखाका संस्थापक अध्यक्ष हुन् ।हाल पत्रकार सुब्बा एम डब्लु टिभिमा आवद्ध रहेका छन् ,भने नेपाली कोरिया डट कमका प्रधानसम्पादक समेत हुन् ।
सोलस्थित क्याथोलिक युथ हलमा विषेश कार्यक्रम गरी २ दर्जन बडी सञ्चारमाध्यम र सञ्चारकर्मीलाई सम्मान तथा अवार्ड प्रदान गरिएको थियो ।सो कार्यक्रममा कोरियन कलाकारहरुले आफनो प्रस्तुती दिएका थिए ।
