कोरियामा अटिजम बालबलिका सहयोग अभियान शुरु
फोनिज कोरिया संवाददाता
सोल
दक्षिण कोरियामा रहेका नेपालीहरुले नेपालका अटिज बालबालिकाहरुलाई आर्थिक सहयोग गर्न एक समिती गठन गरी अभियान शुरु गरेका छन् । अटिजम बालबालिका बारे जनचेतना जगाउदै नेपालमा हाल यस्ता बालबालिकाको लागि संचालन भइरहेको विशेष स्कुल तथा पुर्नस्थापना केन्द (एस.एस.डी.आर.सी) की संचालिका साविता उप्रेतीलाई कोरिया बोलाई अभिनन्दन सहित आर्थिक सहयोग गरिने मुख्य उद्देश्य रहेको समितीले जनाएको छ ।
अटिजम बालबालिका सहयोग अभियान दक्षिण कोरिया नामक २९ औ सदस्यीय सो समितीको संयोजकत्वमा विक्रम ठकुरी चयन भएका छन् । साथै विभिन्न चार उपसमिती गठन गरी अभियानलाई तिव्रता दिएका छन् । जसमा हरी खनालको संयोजकत्वमा पाँच सदस्यीय कार्यक्रम व्यवस्थापना तथा तयारी , विष्णु लम्सालको संयोजकत्वमा आर्थिक , सपना सुनुवारको संयोजकत्वमा प्रचार प्रसार र नरेन श्रेष्ठको संयोजकत्वमा सामाजिक सन्जाल उप समिती गठन गरिएको छ ।
यस अभियानका सहयोगीहरुमध्ये ३ लाख वनदेखी माथि सहयोग गर्नेलाई एस.एस.डि.आर.सीको कार्यलयको ताम्रपत्रमा नाम अंकित गरिने छ भने १ लाख वनदेखि माथि सहयोग गर्नेलाई अभियन्ताको रुपमा प्रसंसापत्र प्रदान गरिने समितीले जनाएको छ । साथै त्यसभन्दा मुनी सहयोग गर्नेहरुलाई सहयोगीको रुपमा प्रचारप्रसार गरिने जनाइएको छ । अभियान समिति अन्तरगतका सदस्यहरुबाट हालसम्म ९० लाख वन सहयोग घोषणा भइसकेको समितिले जनाएको छ । कोरियामा रहेका विभिन्न पेशा र व्यासयीको सहभागिता रहेको यस अभियान समितीको संरक्षकमा कोरियाका स्थायी बासिन्दा व्यवसायी शिब रेग्मीलाई तोकिएको छ ।
