उज्बेकद्वारा कोरियन मालिकको हत्या
सोल – कोरियाको ख्यांग्गी यजुस्थित एक कृषि फर्मको मालिक ५४ बर्षिय आनसी हराएको ६ दिनपछी गत २ तारिक मृत अवस्थामा फेला परेको छन । उनलाई आफ्नो कृषि फर्मदेखि ५० मिटर टाढा खेतमा मारेर पुरिएको अवस्थामा भेटिएको थियो ।उनि सेप्टेम्बर २५ तारिकदेखि बेपता थिए ।प्रहरीले मृतक हराएको उजुरी परेपछि अनुसन्धान शुरु गरको थियो ।
अनुसन्धानको क्रममा प्रहरीले मृतकको बैंक खाताबाट ५ करोड ८० लाख कोरियन वोन कसैले निकालेको कुरा पत्ता लागेको छ ।बैंकको सिसिटिभीको रेकर्ड हेर्दा मृतक आन्सीको फर्ममा गत जुन र जुलाई महिनाको बिचमा ५ दिन काम गरेको उजुबेक्स्थान नागरिक ५० बर्षीय एफसी र उनको केटीसाथी २४ बर्षीयले पैसा निकालेको कुरा प्रमाणित भएको छ । यिनीहरु दुबैजना पैसा निकाले पछी सेप्टेम्बर ३० तारिक बेलुका ५ बजे उजुबेक्स्थान प्रस्थान गरिसकेको छन् ।
प्रहरीले उजुरी पर्ने लगतै वित्त सूचना अनुसन्धानको लागि पुर्जी लिएको भएता पनि कोरियन चाड छुसकको बिदाको कारण बैंक कारोबार सम्बन्धि कुनै जानकारी प्राप्त गर्न सकेन । घटना घटेको ४ दिनपछि ३० तरीक बिहान २० वोटा बैंक तथा वितिय सस्थाबाट आर्थिक करोबार भएको रेकर्ड लिई हेर्दा मृतकको बैंक खाताबाट पैसा निकालिएको कुरा पत्ता लागेको थियो । यसको ४ घण्टापछी अभियुक्तको पहिचान भएको थियो ।तर उनीहरुले कोरिया छोडी सकेको कुरा त्यतिबेला थाहा भयो ।
प्रमाणको आधारमा प्रहरीले दुई व्यक्तिलाईलाई मार्ने अभियुक्त ठहराई पक्राउकोलागि इन्टरपोल मार्फत प्रकृया सुरु गरि सकेको छ । पैसा निकाल्न यी दुइ व्यक्तिले आफ्नो एकै देशको अर्को साथी २९ बर्षियलाई आग्रह गरेको थियो । अहिले प्रहरीले उनलाई पक्राउ गरि अनुसन्धान गरिरहेको छ । तर उनले उनीहरुलाई राम्ररी नाचिनेको तर एकै देशको भएको नाताले पैसा निकाल्न अनुरोध गरेको हुनाले सहायोग गरिदिएको भनि प्रहरीमा बयान दिएको छ । उनि पनि केहिदिनपछि उज्बेकिस्थान जाने तयारीमा रहेको प्रहरीको अनुसन्धानबाट थाहा भएको छ ।
