म्याग्देली म्युजिकल शो भब्य रुपमा सम्पन्न

सोल – कोरियन चाड चुसकको पहिलो दिन म्याग्दी समाज समिति दक्षिण कोरियाले आयोजना गरेको “ म्याग्देली म्युजिकल शो ” भब्य रुपमा सम्पन्न भएको छ |

सोल स्थित फेक चु न्यन किन्यम ग्वानको हलमा भएको कार्यक्रम म्याग्दी समाज समितिका अध्यक्ष मुक्त केसीको सभापतित्वमा भएको थियो | उक्त कार्यक्रममा श्रम सहचारी अनिल गुरुङ . एनआरएन कोरियाका अध्यक्ष बिनोद कुवर , आइसिसि प्रतिनिधि केपी सिटौला , जनजाति महासंघ कोरिया अध्यक्ष चित्र बहादुर मोक्तान , वोमन फर वोमनकी अध्यक्ष मल्लिका थकाली लगायत विभिन्न संघ संस्थाका प्रतिनिधि लगायत कोरियामा रहेका पेशाकर्मीहरुको उल्लेखीय उपस्थिति रहेको थियो |

गायक गगन पुनले सालैजो लगायतका गीत पस्किए | लगत्तै स्टेजमा देखिएका लोक दोहोरी गायक पशुपति शर्माले ”मलाई अमेरिकानी यहि मलाई जापान पनि यहि चिन्ता छैन केही” गाउदा दर्शकले तालीले स्वागत गरेको थिए | त्यसपछि शर्माले आफ्नो नयाँ सालैजो गाउदै दर्शक नचाए |

हास्य कलाकार मनोज गजुरेल भारतीय प्रधानमन्त्रिको क्यारिकेचर गर्दै स्टेजमा उक्लिएर नेपालमा संबिधान बने पछि भारतले देखाएको रबैया शैलीलाई तिखो रुपमा ब्यङ्ग गरे | उनलाई पत्रकार सन्दिप क्षेत्रीले साथ दिएका थिए | सोहि कार्यक्रममा पप गायक सम्भोज मल्ल र नरेन लिम्बुले आफ्ना कर्णप्रिय गीत सुनाउदै उपस्थित दर्शकलाई भरपुर मनोरन्जन दिलाएका थिए |

नेपाली चलचित्र क्षेत्रकी सुन्दर नायिका रुपमा चिनिएकी नायिका नम्रता श्रेष्ठले दमदार नृत्य प्रस्तुत गरेकी थिईन |

अहिलेकी हट गायिका भनेर चिनिएकी ज्योति मगर स्टेजमा देखा परे पछि माहोल एकाएक तातिएका थियो | ”छोटो सारीमा” बोलको गीत गाउदै गर्दा दर्शक सम्हाल्न आयोजकलाई हम्मे-हम्मे परेको थियो | मगरले आफ्ना हित गीतहरु ”उही मुलाको सिन्की” , ”जिम्बाल बाउकी छोरी” लगायतका गीत गाउदै दर्शकलाई संगै नचाउदै भरपुर मनोरन्जन दिलाएकी थिइन् |