रोधीँ सांगीतिक सौगातका कलाकारहरू कोरिया पुगे
धन गुरुङ
सोल-तमु धीँ दक्षिण कोरियाको आयोजनामा हुन गैरहेको रोधीँ सांगीतिक सौगात भाग ३ ( कर्मा ब्याण्ड लाइभ कन्सर्ट इन कोरिया) का लागि कलाकारहरू कोरिया आइपुगेका छन ।
तमु हाउस व्यवस्थापन तथा प्राकृतिक प्रकोपको सहयोगार्थ आयोजना हुन लागेको सो कार्यक्रमका लागि आमन्त्रित सम्पुर्ण कलाकारहरू आज दिउँसो २ बजे ईन्छन आइपुगेको हो । कर्मा ब्याण्डका मुख्य भोकालिष्ट सुरेन्द्रमान सिं अमेरिका भएका कारण उहाँ अमेरिकाबाट र बाँकी कलाकारहरु नेपालबाट कोरिया आएको हो ।
भोलि अर्थात २७ सेप्टेम्बरमा हुने कार्यक्रमका लागि युवाबर्ग माझ निकै लोकप्रिय ब्याण्ड कर्मा संगै सुगम संगीतका नक्षत्र चर्चित भर्सटाइल गायिका अन्जु पन्त र लोकदोहोरीका अहिलेका ब्यस्त गायिका कृष्णा गुरुङ कोरिया आइपुगेको हो ।
कलाकारहरूलाई स्वागत गर्न तमु धीँका अध्यक्ष तथा कार्यक्रम संयोजक सुरज तमु, महासचिव प्रीतम तमु, कोषाध्यक्ष एक तमु , सल्लाहकार बेल तमु र सदस्यहरु कृष्ण ( ब्रो) तमु, हिमानी तमु र सुनिल तमु ईन्छन एयरपोर्ट पुगेका थिए ।
दर्शकहरुको सुविधालाई मध्यनजर गर्दै दोङ्देमुन गेट नम्बर ३ ( उरी बैंक अगाडि ) बाट कार्यक्रम हलसम्म जानलाई निशुल्क ३ वटा बसको व्यवस्था गरिएको तमु धींका महासचिव प्रीतम तमुले जानकारी दिए ।
कार्यक्रम भोलि अर्थात २७ सेप्टेम्बरमा वन बुल्क्यो सउल ह्वोग्वान ( हक्सक) मा आयोजना गर्न लागिएको हो |
