सोनसिकले शुरु गर्यो बिद्यालय निर्माण अभियान
लिलु डुम्रे
सोल-दक्षिण कोरियामा रहेका नेपाली बिधार्थीहरुको संस्था नेपाली बिधार्थी समाज दक्षिण कोरिया (सोनसिक)ले महाभूकम्पबाट अति प्रभावित पाँच जिल्लामा एकएक बिधालय निर्माण गर्ने गरि बिधालय पुनर्निर्माण अभियान सुरुगरेको छ ।
काठमान्डौमा शनिबार एक कार्यक्रम आयोजना गरि सोनसिकले सो जानकारी गराएको हो । बिधालय पुनर्निर्माण अभियान अन्तर्गत सोनसिकले गोर्खा, सिन्धुपाल्चोक, नुवाकोट, दोलखा र काभ्रे जिल्लाका एक एक बिधालय पुनर्निर्माणकालागि प्रति बिधालय ५ लाख नगद सहयोग गरेको छ ।
यसअभियान मार्फत सहयोग प्राप्तगर्ने बिधालयहरुमा गोरखा जिल्लाको बिकटस्थानमा रहेको बराह प्राबी, सिन्धुपाल्चोक जिल्लाको ज्ञानज्योति प्राबी,दोलखा जिल्लाको मानेडांडा उच्च माबी, नुवाकोट जिल्लाको कालिका माबि रहेकाछन् । काभ्रे जिल्लाबाट छनोट अन्तिम अवस्थामा रहेको तथा छनोट भएका सम्बन्धित बिधालयहरुमा रहेका भूकम्प पिडित बिधार्थीहरुलाई लक्षित गरि छात्रवृति संचालन गरिने सोनसिक सभापति बिमल सुबेदीले जानकारी दिए ।
कार्यक्रममा प्रमुख अतिथिका रुपमा उपस्थिति प्रधानमन्त्री तथा मन्त्रिपरिषद्को कार्यालयका सचिब शान्तराज सुबेदीले नयाँ नेपाल निर्माणको दायित्व प्रबासमा रहेका नेपालीहरुको पनि भएकोहुदा आफु सक्दो योगदान पुराउन र विदेशको पढाई समाप्ति संगै दक्षता हासिलगरि देश फर्कन आव्हान गर्दै भूकम्प पिडित बिधालय पुनर्निर्माण अभियान जस्तो पबित्र कार्यको थालनी गरेकोमा कोरियामा रहेका नेपाली बिधार्थीहरुलाई बधाई तथा धन्यवाद दिए ।
कार्यक्रममा उपस्थित नेपाली दुतावास सौलका पूर्व उपनियोग प्रमुख राजाराम बर्तौलाले दक्षिण कोरियामा रहेका नेपाली बिधार्थीहरुको बिधालयलाइ पुनर्निर्माण अभियान अनुकरणीय रहेको बताउदै आउदा दिनमा निरन्तरताका लागि शुभकामना दिए ।
कार्यक्रममा कोरियाका बिभिन्न बिश्वबिधालयमा अध्यनरत बिधार्थी तथा दीक्षितहरुको उपस्थिति रहेको थियो । भूकम्प पश्चात सोनसिकले अध्ययनरत कलेजमा नेपाली , कोरियन विद्यार्थी र प्राध्यापकह?संग गरि एक लाख एक १० हजार डलर संकलन गरि नेपाल पठाएको थियो ।
