पूर्ण राई एन्ड दाजुभाइहरुको लाइभ कन्सर्टमा झुमे कोरियाका दर्शक

मार्च ३० मा आयोजित पूर्ण राई एन्ड दाजुभाइहरुको लाइभ कन्सर्टमा दर्शकहरु झुमेका छन्। धराने इभेन्ट्स नाम दिइएको यस कार्यक्रममा व्याण्डले भरपूर मनोरञ्जन दिएका थिए। यो व्याणले कोरियामा पहिलो पटक आफ्नो प्रस्तुति दिएको हो।

करिब २ घण्टा लगातार सांगितिक कोशेली पस्केको यस समूहलाई दर्शकको अथाह साथ रहेको थियो। आफ्ना चर्चित गीतहरुले दर्शकको मन जितेको यस व्याण्डले वान्स मोरको आग्रहलाई नकार्न सकेन र दोहोर्याएर गीत पस्केका थिए। यस लाइभ कन्सर्टका लागि कोरियाको विभिन्न शहर बुसान, ख्वाङ्जु, उल्सान लगायत टाढा टाढाबाट दर्शकहरु आएका थिए।

कार्यक्रमको सुरुवाति चरणमा फुल्याङ व्याण्डले समेत आफ्नो बेजोड प्रस्तुति दिएको थियो। दशक दिर्घबाट फुल्याङ ब्याण्डलाई समेत तारिफ गरिएको थियो। कोरियाको ठूला चाड बाहेक अन्य समय भएतापनि यस कार्यक्रम भव्य रहेको थियो।

संभवत कोरियामा अफ सिजनमा गरिएको यो कार्यक्रम सफल भएको मान्न सकिन्छ। धरान कोरिया सपोर्ट कम्युनिटिले सौल स्थित HW कन्भेसनमा कार्यक्रम आयोजना गरेको थियो। आयोजकले सम्पूर्न उपस्थित एवम सहयोगीहरुलाई हार्दिक धन्यवाद ज्ञापन गरेको छ।