कोरियाका नेपालीलाई खारे खोला जलबिद्युत आयोजनामा लगानीको अवसर

सोल-क्लिन इनर्जी डेभलपमेन्ट बैंकद्धारा प्रवर्धित कम्पनी सि.ई.डि.बी हाइड्रो फण्ड अन्तर्गत रहेको युनीभर्सल पावर कम्पनीले कोरियामा रहेका नेपालीहरुका लागि तल्लो खारे खोला जलबिधुत आयोजनाको अग्राधिकार शेयर खुला गर्ने भएको छ | कम्पनीले   साना लगानीकर्तालाई समावेश गर्ने गरि करीब ८७ लाख कित्ता अग्राधिकार शेयर (रु १०० सय प्रति कित्ता दरको ) बिक्री गरी आवश्यक रहेको लगानी रकम जुटाउने लक्ष राखेको हो |
 
 
सि.ई.डि.बी हाइड्रो फण्डकै नेतृत्वमा निर्माण हुन लागेको ११ मेगावाट क्षमताको तल्लो खारे खोला जल्बिध्युत आयोजनाको निर्माण स्थल दोलखा जिल्लाको सुरी र चंखु गाविस पर्दछ | तीनदेखि चार बर्षमा सम्पन्न गर्ने लक्ष्य रहेको आयोजनाको कुल लागत करीब एक अर्ब सतासी करोड रुपैया रहने कम्पनिको अनुमान छ | युनिभर्सल पावर कम्पनीको स्वामित्व रहेको यस आयोजना निर्माण गर्न बिद्युत खरीद विक्री सम्झौता, बृस्तित डिजाइन , वाताबरणीय अध्ययन र आयोजनालाई आवश्यक ९५ प्रतिशत जग्गा खरीद गरि सकिएको प्रबन्ध निर्देशक विनयकुमार भण्डारीले जानकारी दिए | आयोजनाको निर्माण कार्य आगामी मंगसिरदेखि सुरु गरिने छ |
 
 
अग्राधिकार शेयर ४ बर्ष पछि स्वत साधारण शेयरमा परिवर्तन हुनुका साथै अग्राधिकार शेयरमा बार्षिक ७.५ % प्रतिफल दिने कम्पनीको योजना रहेको छ | अग्राधिकार शेयरमा बार्षिक ब्याज दिने नेपालकै पहिलो कम्पनी रहेको निर्देशक भण्डारीले दावी गरे |
 
 
बैंक अफ काठमाण्डौसँग यस आयोजनाको ऋण सम्झौता सम्पन्न भइसकेको छ भने आयोजनाबाट उत्पादित बिद्युत सिंङ्गटी सबस्टेसनबाट राष्ट्रिय प्रशारण लाइनमा जोडिने छ | आयोजनास्थल सम्म बाटो पुगिसकेको र उत्पादित बिद्युत सहजै राष्ट्रिय ग्रीडमा जोडिने पनि भण्डारीले जानकारी दिए |
 
 
साधारण शेयरमा परिवर्तन हुने आग्राधिकार शेयर भएकोले लगानीकर्ताको जोखिम न्युन हुनुको साथै आयोजनाबाट बिद्युत उत्पादन पश्चात साधारण शेयरमा परिवर्तन हुने भएकाले लगानीकर्ताले उच्च प्रतिफल प्राप्त गर्नेमा पूर्ण बिश्वस्त हुन कम्पनिले लगानीकर्तालाइ सुझाएको छ | आयोजनाको निर्माण पश्चात यसको शेयर सर्वसाधारणलाई विक्री गरी नेप्सेमा सुचिकृत गरीने योजना रहेको कम्पनीले जानकारी गराएको छ | क्लिन इनर्जी डेभलपमेन्ट बैंकद्धारा प्रवर्धित कम्पनी सि.ई.डि.बी हाइड्रो फण्डले यस अघि लमजुङ जिल्लामा ४.४ मेगावाट क्षमताको राधी साना जलबिद्य’त आयोजना निर्माण सम्पन्न गरिसकेको छ |
 
अग्राधिकार शेयरमा लगानी न्युनतम एकलाख रुपया रहेको छ | जलविद्युतमा लगानीका लागि आयोजना निर्माण कम्पनीले आयोजना बारेमा थप जानकारी दिनका लागि १६ अगस्ट सौलमा र २३ अगस्टमा   बुसानमा अन्तरक्रिया आयोजना गरेको छ | अन्तरक्रियाका लागि नेपालदेखि आयोजना प्रबन्ध निर्देशक विनयकुमार भण्डारी उपस्थित हुने कम्पनीले जानकारी दिएको छ
 
कोरियामा संपर्क व्यक्ति:-
बिदुर लिम्बु -फोन -01059474342