छुसकमा गरिने सांगीतिक कार्यक्रमको जानकारी सम्बन्धी एनसिसीद्वारा पत्रकार सम्मेलन सम्पन्न
नेपाली सम्पर्क समिति एनसिसी दक्षिण कोरियाले छुसकमा गरिने सांगीतिक कार्यक्रमको जानकारी सम्बन्धी पत्रकार सम्मेलन गरेको छ। दोङ्देमुन स्थित निक नेपाल ट्राभल्सको हलमा आयोजित कार्यक्रममा मर्स्याङ्दि सांगितिक सौगात भाग ३ , रारा सांगितिक सौगात भाग १ र हिमालय सांगिति सौगातको बारेमा हालसम्मको तैयारी बारे जानकारी गराइएको थियो। 
यि तीन ओटै कार्यक्रमको लागि आमन्त्रण गरिएको मूख्य कलाकारहरुको भिसा प्राप्त भइसकेको र केहि कलाकारहरुको दूतावासमा एप्लाई गरेर प्रोसेसिङ हुँदै गरेको एन्सिसी अध्यक्ष हरी खनालले अवगत गराएका थिए। साथै तीनै ओटा सांगितिक कार्यक्रम निर्धारित मितिमा नै हुने आयोजकहरुले प्रतिवद्धता व्यक्त गरेका थिए। 
छुसकको पहिलो दिन सेप्टेम्बर १५ तारिख लमजुङ परिवारले द एज ब्याण्डको साथमा मर्स्याङ्दि सांगितिक सौगात गर्दैछ भने दोस्रो दिन प्रमोद खरेल मेलिना राई लगायत कलाकारको साथमा कर्णाली प्रदेशले रारा सांगितिक सौगात भाग १ गर्दैछ। यसैगरी सेप्टेम्बर १७ का दिन शेर्पा संघले मिङ्मा शेर्पा ज्योति मगर लगायत अन्य ख्यातिप्राप्त कलाकारको साथमा हिमालयन सांगितिक धमाका आयोजना गर्ने भएको छ। 
कार्यक्रम हलसम्म जानको लागि दोङ्देमूनबाट बसको व्यवस्था पनि रहेको छ भने अनलाइन टिकट बूकिङ पनि खुलिसकेको आयोजकहरुले जनाएका छ्न्।
