कोरियामा सुदिपको हत्या यसरि भएको रहेछ ( फोटो फिचर सहित )

लीलु डुम्रे
सोल-शंखु ४ काभ्रेका सुदिप राउत परिवारका जेठो छोरो । स्वाभाविक हो जेठो सन्तानको परिवारमा दायित्व बढी हुन्छ । आर्थिक हैसियत कमजोर भएपछि अध्ययनलाइ निरन्तरता दिन सकेनन । परिवारलाई आर्थिक समस्याबाट मुक्त गर्न व्यापार व्यवसाय सुरु गरे । व्यवसायले उनलाई धोका दियो । व्यापारमा घाटा लाग्यो । लिएको ऋण तिर्न सकेनन् , ब्याज बढ्दै गयो ।

ऋण चुलिदै गएपछि ऋणमुक्त हुने उपाय खोजे र व्यापार छोडे । गाउ घरमा कोरिया पुगेका साथीहरुको आर्थिक हैसियतले उनलाई लोभ्याउने नै भयो । रोजगार अनुमति प्रणालीको फर्म भरे । नाम निस्कियो । आफूसंगै परिक्षा दिएका साथीहरु कोरिया पुगे तर उनको लेबर कन्ट्याक आएन । साथी भाइसंग निराशा पोखे । धेरै समय कुरेपछि लेबर कन्ट्याक आयो । केहि दिन पछी सिसिभिआइ (भिसा अनुमति पत्र) मा हस्ताक्षर गरे ,फ्लाईट डेट आयो । फ्लाईट डेटले उनिमा खुसि लिएर आयो ।

सुदिप बस्ने कन्टेनर

दुइ छोरी र एक छोराका अभिभावक बनेका राउतले छोरा छोरीलाई उच्च शिक्षा दिलाउन बाटो खुलेको प्रति प्रसन्न भए । साहुको ऋणबाट मुक्तिका लागी पनि उनि खुसी हुने नै भए । १७ दिन अघि कोरिया इन्छन एयरपोर्ट उत्रिए । ट्रेनिंग सेन्टर पुगे । अभिमुखीकरण कक्षा सकेर कम्पनि साहुसंगै ख्यंगीदो ग्वाङजुमा रहेको फर्निचर डेकुरेसन गर्ने वोनबाइन कम्पनीमा उनको प्रवेश भयो ।

घटनाबारे सोधपुछ गर्दै सोल स्थित नेपाली दूताबासका श्रम सहचारी अनिल गुरुङ

दस जोड दुइ सकेकी अध्ययन सकेकी पहिलो सन्तान र उनि भन्दा मुनि दुई छोरा छोरीको भविष्य उज्यालो पार्न काममा खटे । कम्पनीम एक्लो नेपाली रहेका उनिले गाउकै भाइपर्ने हरिकृष्ण अधिकारीलाइ फोन गरि न्यास्रो हटाउने प्रयास गरे ।स म्ंपर्क माध्यमका लागि हरिकृष्णले मोबाइल किनेर उनलाई पठाईदिए । दुइ जनाबीच पारिवारिक गफगाफ र कोरियाको कामका बारेमा कुराहरु भै राखे ।

उनि आएको एक हप्तामा अर्का नेपाली भोजपुरका पर्शुराम राई कम्पनिमा प्रवेश गरे । साथी भाइसंग नेपाली साथी आएको खुसि बाडे । तर त्यहि नेपाली साथि उनको मृत्यु बोकेर आएको रहेछ ।

बिहिबार कम्पनीमा काम सके । कोठामा सुदिपले नै खाना तयार गरे । दुवै जनाले संगै खाना खाई सुते । यौनजन्य रोगबाट पिडित राईले औसधि सेवन गरिरहेका थिए । खाना पछि राईले पेट दुखेको कुरा गरे । अर्को दिन उपचार गर्न जाने कुरा गर्दै दुवै सुते । तर राईले खानामा बिष मिसाइदिएको गलत शंका गर्न थाले र निदाएका राउतमाथि चिर्पट प्रहार गरे । निदाएको व्यक्तिले प्रतिरक्षा गर्न सकेनन , राउतको मृत्यु भयो ।

सुदिपका शोकाकुल साथीहरु

सुक्रबार बिहान पाँच बजे घटनास्थलमा प्रहरी पुगेर अनुसन्धान सुरु गर्यो । सहकर्मी नेपाली साथी पर्शुराम राईलाइ नियन्त्रणमा लियो । राईले हत्या गरेको स्वीकारे । दुतावासलाइ प्राप्त अनुसन्धान रिपोर्ट भन्छ चिर्पट प्रहारले कन्चटमा रगत जमेर राउतको निधन भयो । र एक नेपालीले अर्का नेपालीको जीवनसंगै उनमा आश्रित परिवारको आशाको अन्त्य गरे । राउत सधैका लागि निदाए तर राईको जीवनमा अब निद्रा आउने छैन ।