सिन्धुपाल्चोक समाजको पाँचौँ अधिवेशन सम्पन्न, अध्यक्षमा राज लोप्चन
सिन्धुपाल्चोक समाज दक्षिण कोरियाको अध्यक्षमा राज लोप्चन तामाङ चयन भएका छन् । फेब्रुअरी ९ तारिख शुक्रबारको दिन कोरियाको राजधानी सौलस्थित दोङ्देमुनमा सम्पन्न संस्थाको पाँचौँ अधिवेशनबाट लोप्चनको अध्यक्षतामा २१ सदस्यीय नयाँ कार्यसमिती चयन भएको हो ।
निर्वाचित कार्यसमितीमा वरिष्ठ उपाध्यक्षमा विशाल श्रेष्ठ, उपाध्यक्षहरुमा प्रवन पराजुली, तारा चन्द्र आचार्य र सन्जीव खतिवडा रहेका छन् । त्यसैगरी महासचिवमा उद्धव नेपाल, सचिवहरुमा बसन्त थापा, निर योन्जन तामाङ र नवराज पाण्डे तथा कोषाध्यक्ष सुरज श्रेष्ठ र सह कोषाध्यक्षमा सरोज तामाङ रहेका छन् ।
सदस्यहरूमा रमेश बन्जारा, सोनाम शेर्पा, भक्तबहादुर खड्का, सन्तोष लुइटेल, लक्ष्मी तामाङ, लोकेन्द्र खड्का, ज्योती तामाङ, जानुका ढकाल, भुवन दाहाल, शोभा थापा रहेका छन् ।
अधिवेशनमा उपस्थित भएका प्रमुख अतिथि, अतिथिका रुपमा उपस्थित विभिन्न संघसंस्थाका प्रतिनिधीहरु लगायत उपस्थित भएर अधिवेशन भव्यताका साथ सफल पार्नको लागि सहयोग गरेका सम्पूर्णमा सिन्धुपाल्चोक समाज दक्षिण कोरियाले हार्दिक आभार प्रकट गरेको छ । साथै आगामी दिनमा सिन्धुपाल्चोक समाज दक्षिण कोरिया सबै सँग सहकार्य गर्दै हातमा हात मिलाउँदै अगाडि बढ्ने बाचा समेत गरेको छ ।
“आपसी सहयोग सद्भाव र सदाचार सिन्धुपाल्चोक बासीको मिलनको आधार” भन्ने नाराका साथ सन् २०१४ मा सिन्धुपाल्चोक समाज दक्षिण कोरियाको स्थापना भएको हो । साथै स्थापना काल देखी नै विभिन्न सामाजिक कार्यक्रमहरुमा सकृय सहभगि हुँदै आएको छ ।
