कोरियामा तमू ल्होसार “मुप्री ल्होसार २०८०” मनाइयो

दक्षिण कोरियामा तमू ल्होसार अर्थात “मुप्री ल्होसार २०८०” सफलता पुर्वक सम्पन्न भएको छ । तमू धीं दक्षिण कोरियाको आयोजनामा डिसेम्बर ३१ तारीखका दिन ल्होसार कार्यक्रम सम्पन्न भएको हो । कार्यक्रम सौलको दोन्देमुनमा रहेको एस्  डब्लु कन्भेन्सन हलमा भएको थियो ।

तमू धीं कोरियाकी अध्यक्ष रुपा गुरुङ सभाध्यक्षतामा ल्होसारको औपचारिक कार्यक्रम भएको थियो । प्रमुख आतिथि नेपाली राजदूतावास सिओल दक्षिण कोरियाको राजदुत डा. ज्योति प्याकुरेल(भण्डारी) रहेको उक्त समारोहमा संरक्षक परिषदका संयोजक प्रमुख भिम बहादुर गुरुङ्ग(पर्वत), नेपाल आदिवासी जनजाती महासंघ दक्षिण कोरियाको अध्यक्ष विशन राई, NRNA दक्षिण कोरियाको अध्यक्ष श्री बुद्धि गुरुङ, नेपाली सम्पर्क समिति(NCC), दक्षिण कोरियाको प्रतिनिधि उपाध्यक्ष श्री मनोज कुमार सुवेदी, नेपाल बौद्ध परिवार दक्षिण कोरियाको अध्यक्ष श्री कुसाङ्ग शेर्पा लयायत विशेष आतिथि तथा आतिथिहरुको रुपमा सहभागि रहेको थियो । साथै विभिन्न जातिय तथा क्षेत्रिया संस्थाको प्रतिनिधीहरु र कोरिया बासी तमूहरुको उल्लेख्य सहभगितामा भव्य रुपले सम्पन्न भएको हो । 

पहिलो चराणको औपचारिक कार्यक्रममा स्वागत मन्तव्य, कार्यक्रम उद्घाटन, पुरानो वर्गलाई बिदाई र नयालाई स्वागत, शुभकामना मन्तव्यका साथै विभिन्न क्षेत्रमा योगदान पुर्याउनु भएको र शैक्षिक सफलता हासिल गर्नुभएका तमू विद्यार्थीहरुलाई सम्मान र प्रशंसा पत्रका साथमा सम्मान गरिएको थियो।

दोस्रो चरणको सास्कृतिक कार्यक्रम किशान गुरुङले संचालन गरेका थिए । जस्मा सस्कृतिक विभागको समन्वयमा तमू मौलिकता झल्काउने गीतहरुमा बेजोड नृत्य प्रस्तुती र नेपालबाट आमन्त्रित चर्चित गायिका शर्मिला गुरुङ्ग, गायक तथा सङ्गीतकार तेजेन्द्र गुरुङ्ग र मोडेल तथा तमू चलचित्रकि नायिका अस्मी गुरुङ्ग को बेजोड प्रस्तुतिहरु रहेको थियो।

साथै तमू धीं कोरियाको थेगु र बुसान शाखले पनि छुटै कार्यक्रमहरु गरी ल्होसार कार्यक्रम भव्य रुपमा मनाएको छ । 

दक्षिण कोरियामा रहेका तमूहरुलाई आइपर्ने विविध दुख, कष्ट तथा समस्याहरुलाई समाधान गर्ने, तमू भाषा, लिपी, भेष-भूषा, धर्म संस्कार र संस्कृतिको संरक्षण संवर्धन गर्ने, तमूहरुको आपसी एकता, सद्भाव अभिवृद्धि, समग्र तमू समुदायको वृहत्तर हित र तमू समुदायको उत्थान एवं देश विदेशमा रहेका संघ-संस्थाहरूसंग समन्वय गर्ने उदेश्य राखी सन १९९९ मा स्थापित संस्था तमू धीं दक्षिण कोरियाले कोभिड-१९, को बेला छोडेर स्थापना काल देखि निरन्तर रुपमा तमूहरुको प्रमुख पर्व राष्ट्रिय पर्व तमू ल्होसार धुमधामका साथ मनाउदै आइरहेको छ र बिगतका वर्षहरुमा जस्तै यो वर्षको “मुप्री ल्होसार” भव्य र सभ्य रुपमा मनाएको छ।

यस “मुप्री ल्होसार २०८०” कार्यक्रम सफलता पूर्वक सम्पन्न गर्न प्रत्यक्ष, अप्रत्यक्ष, आर्थिक, नैतिक र भौतिक रुपमा अमुल्य साथ सहयोग साथै कार्यक्रमलाई भव्य र सभ्य रुपमा सफल बनाउन उपाथित जनाउनुहुने प्रमुख अतिथी विशेष अतिथि लगायत सम्पूर्णलाई तमू धीं कोरियाले धन्यवाद ज्ञापन गरेको छ ।

फोटो श्रोत – तमू धीं दक्षिण कोरिया

भुँईचालो डायरी