‘गाउँ आएको बाटो’ चलचित्रको कलाकारलाई नेफिन कोरियाको सम्मान
नेपाल आदिवासी जनजाति महासंघ (नेफिन) दक्षिण कोरियाले चलचित्र ‘गाउँ आएको बाटो’का निर्देशक र कलाकारलाई सम्मान गरेको छ । आईतबार सोलमा भएको सम्मान कार्यक्रममा यहाँ रहेका जातीय संस्थाका प्रतिनिधि उपस्थित भएका थिए ।
दक्षिण कोरियाको बुसान फिल्म फेस्टिवल छनोट भएको चलचित्र प्रदर्शनको लागि निर्देशक नवीन सुब्बा, कलाकार पशुपति राई, निर्माता आमोद राई, चलचित्रका सम्पादन गरेका सन्दिप श्रेष्ठ, सहनिर्देशक मिन्शो लिम्बू कोरियामा छन् ।
महासंघले उनीहरूलाई सम्मान गरेको हो । ‘आदिवासी जीवनलाई पर्दामा उतार्ने काम गर्नु भएको छ । हाम्रो कथा विश्वमा सुनिनु गर्वको विषय भएकोले सम्मान गरिएको हो ।’ महासंघका अध्यक्ष विसन राईले भने ।
सम्मानित निर्देशक सुब्बाले समुदायको कथाले सधैं आफूलाई आकर्षित गरेको बताए । ‘गाउँ आएको बाटो’ राई समुदायको जनजीवनलाई बताउने प्रयास गरेको बताए । चलचित्रलाई विदेशमा बस्ने राई समुदायले लगानी गरेर बनाएको हुन् ।
