याङसान रनिङ भलिबल प्रतियोगीताको उपाधी किम्हे माइग्रेण्ट हाउस ए को पोल्टामा

अशोक पोख्रेल,

दक्षिण कोरियाको याङसान शहरमा गठित ” याङसान नेपाली परिवार ” ले आयोजना गरेको प्रथम याङसान रनिङ्ग भलिबल कपको उपाधी किम्हे माइग्रेण्ट हाउस ए ले हात पारेको छ । कोरियाको सुन्दर शहर भनेर चिनिएको याङसान शहरमा गठित याङसान नेपाली परिवारले यस क्षेत्रमा नेपाल र नेपालीको पहिचान झल्कने किसीमका साँस्कृतिक कार्यक्रमहरूमा सक्रिय रहदै आएको छ। आफ्ना गतिबिधी विस्तार गर्ने क्रममा यसपालबाट प्रथम याङसान रनिङ्ग भलिबल प्रतियोगीताको शुरूवात गरेको अध्यक्ष नवराज वाग्लेले वताएका छन् ।

यही जुलाइ २६ तारिक गत आइतबार, याङसानमा अबस्थित याङजु छोदोङ हाक्योको कवर्डहलमा सम्पन्न भएको उक्त प्रतियोगितामा समुह “ए” अन्तर्गत किम्हे माइग्रेण्ट हाउस ए, थेगु एन आर एन, याङसान ए, बुसान एन आर एन, साथै समुह “वि” अन्ततर्गत गजेदो, किम्हे माइग्रेण्ट हाउस वि, याङसान वि र किम्हे मगर संघ गरी जम्मा ८ वटा टिमको प्रतिस्प्रधा भएको थियो ।

निर्धारीत समय अनुसार विहानको ११ बजेबाट शुरू भएको उक्त प्रतियोगितामा दर्शक र समर्थकहरूको बाक्लो उपस्थिती रहेको थियो । यस रोमाञ्चक प्रतिस्प्रधामा समुह “ए” बाट थेगु एन आर एनलाइ हराउँदै किम्हे माइग्रेण्ट हाउस ए र बुसान एन आर एन लाइ हराउँदै याङसान नेपाली परिवार ए, त्यस्तै गरेर समुह “वि” बाट किम्हे माइग्रेण्ट हाउस विलाइ हराउँदै गजेदो र याङसान नेपाली परिवार वि लाइ हराउँदै किम्हे मगर संघ अन्तिम चारमा पुगेका थिए ।

अति नै प्रतिस्प्रधात्मक भएको उक्त प्रतियोगितामा किम्हे माइग्रेण्ट हाउस ए ले समुह ” ए” बाट याङसान नेपाली परिवार ए लाइ हराउँदै फाइनलको यात्रा तय गर्यो भने समुह “वि” बाट मगर संघ किम्हेलाइ हराउँदै गजेदो फाइनलमा पुग्यो। समुह “ए” को विजेता किम्हे माइग्रेण्ट हाउस र समुह “वि” को विजेता गजेदो वीच भएको रोमाञ्चक फाइनल खेलमा किम्हे माइग्रेण्ट हाउस ए ले गजेदोलाइ हराउँदै उपाधी आफ्नो पोलाटामा पार्यो भने गजेदोले दोस्रोमा चित्त बुझायो।

प्रतियोगितामा प्रथम टिम किम्हे माइग्रेण्ट हाउस ए ले प्रमाणपत्र, कप सहित ५ लाख वनको प्रथम पुरस्कार हातापार्यो भने दोस्रो गजेदो टिमले प्रमाण पत्र सहित ३लाख वन दोस्रो पुरस्कार लिन सफल भयो। यस प्रतियोगिता कै उत्कृस्ट खेलाडी को उपाधी भने,प्रमाण पत्र,सहित १ लाख वन, याङसान नेपाली परिवारका सुजन गुरूङले लिन सफल भए।

पहिलो पटकको यो प्रथम याङसान रनिङ्ग भलिबल प्रतियोगिता सोचे भन्दा पनी बढी सफल भएको भन्दै खेलाडी,समर्थक लगायत सबैलाई आयोजकले धन्यवाद समेत दिएको थियो।