तामाङ पर्यटन संजालको दोस्रो अधिवेशन तथा साधारणसभा सम्पन्न, अध्यक्षमा सरिता लामा

पर्यटन क्षेत्रमा सक्रिय तामाङ समुदायका ब्यवसायी र पर्यटन पेशाकर्मीहरुको साझा संस्था तामाङ रिमठीम पर्यटन संजालको दोस्रो अधिवेशन तथा साधारणसभा सम्पन्न भएको छ । शनिबार काठमान्डौँ गार्डेन होम ठमेलमा सम्पन्न भएको दोस्रो अधिवेशन तथा साधारणसभाको दोश्रो सत्रबाट सरिता लामाको अध्यक्षतामा नयाँ कार्यसमिति निर्वाचित भएका छन् ।

कार्यक्रम चुमनुब्री गाउँपालिकाका अध्यक्ष निमा लामाको आतिथ्यतामा सम्पन्न भएको हो । टान, एन एम ए लगायत धेरै पर्यटनसम्बद्ध संघसंस्थाका प्रतिनिधीहरुको उपस्थितिसमेत रहेको सो कार्यक्रममा करिब १०० जनाको उपस्थिति रहेको थियो । साधारणसभाले महासचिव छेटुप तामाङ र कोषाध्यक्ष ऋतु ग्यामदानको बार्षिक प्रतिबेदन पारित गर्दै आगामी बर्ष ०८०/०८१ को लागि आठबुँदे कार्ययोजनासमेत पारित गरेको छ ।

उक्त कार्यक्रममा ३ नेपाली र १ बिदेशी नागरिक सहित ४ जना फरकरक ब्यक्तित्त्वहरुलाई सम्मान समेत गरिएको थियो । साहसीक पर्यटन विधामा सन्डुक दोर्जी तामाङ र समाजसेवा विधामा डा. दिल ब. थोकरलाई सम्मानित गरेको थियो । त्यसतै मौलिक खाले बिजनेस अन्तर्गत तामाङ कुदाप धिम र पुस्तक लेखन तथा अन्य बिबिध माध्यमबाट नेपालको पर्यटन प्रबर्द्धनमा बिशिष्ठ योगदान पुर्याएकोमा स्पेनका नागरिक Enric Alcayde Carbonell लाई समेत सम्मान गरिएको थियो ।

कार्यक्रमको दोस्रो शत्रबाट आगामी दुईबर्षका लागि संस्थाको १७ सदस्यीय नयाँ कार्यसमिति चयन गरिएको हो । नव निर्वाचित कार्यसमितीमा वारीष्ठ उपाध्यक्ष दोर्जे तामाङ र उपाध्यक्षमा ऋतु ग्यामदान रहेका छन् । महासचिवमा नरध्वज तामाङ (क्षितिज), सचिवमा बिजय तामाङ, कोषाध्यक्षमा कुमार लामा र सह-कोषाध्यक्षमा बिश्वराज तामाङ निर्वाचित भएका हुन् । त्यस्तै सदस्यहरुमा, रबि लामा, हिमाल तामाङ, प्रकाश लामा, अमृत थोकर, शान्ती तामाङ, पुष्कर तामाङ, टीका ब. तामाङ, दावा तामाङ, प्रदिप कुमार तामाङ र पासाङ धुन्दुप तामाङ रहेको छ ।