सउल नेपाल गुम्बाले २५६७औं बुद्धजयन्ती मे २८ मा लोपोन पेमाको धार्मिक प्रवचन हुने
सउल नेपाल गुम्बा (थेग्छेन छ्योइलिङ) दक्षिण कोरियाले “२५६७औं बुद्धजयन्ती” मे २८ तारिख आईतबार मनाउने भएको छ । बौद्ध धर्मको लामो समय अध्ययन गर्नुभएका धर्मगुरू लोपोन पेमा छिरिङले कार्यक्रममा बुद्ध दर्शन बारे प्रवचन गर्ने भएको छ ।
विश्व शान्तिका अग्रदूत भगवान शाक्यमुनी बुद्ध जन्मेको तिथि, २९ वर्षको उमेरमा सत्यको खोजीमा गृहत्याग गरी ६ वर्षसम्मा कठोर तपस्या पश्चात बुद्धत्व ज्ञान प्राप्त गरेको तिथि र ८० वर्षको उमेरमा महापरिनिर्वाण भएको ३ तिथि एकै बैशाख पूर्णिमा तिथिमा पर्छ । उक्त महान तिथिलाई बौद्ध धर्मावालम्वीहरूले बिशेष महत्वका साथ बुद्द जयन्तीका रूपमा मनाउदै आइरहेको छ ।
दक्षिण कोरियास्थित नेपाली गुम्वा थेग्छेन् छ्योइलिङ सउल नेपाल गुम्वाले बुद्धजयन्ती कार्यक्रम भव्य मनाउने गुम्बाका लामा प्रमुख कुन्साङ दोर्जेले जानकारी दिनुभयो ।
बुद्द जयन्तीमा विशेषताः व्यक्ति स्वयम कार्यक्रममा पाल्नु भै एउटै बत्ती, एउटै फलफूल भएनी आफू स्वयमले प्रत्यक्ष चढाउने र आफ्नो ईच्छ र आफ्नै हातले सकेको दानादि गर्नले अतिनै लाभदायी हुने विश्वास गरिन्छ । साथै उक्त दिन साथै भगवानको प्रसाद ग्रहण गरिदिन हुन समेत प्रमुख लामाले अनुरोध गरेका छन् ।
गुम्बा व्यवस्थापन समिति र प्रमुख लामाले २५६७औं बुद्धजयन्तीको अवसरमा देश तथा विदेशमा रहेका बौद्ध धर्मावालम्विहरूका साथै सम्पूर्ण नेपालीको सुख, सम्बृद्धि र बिश्व शान्तिका हार्दिक शुभकामना व्यत्त गरेको छ ।
उक्त कार्यक्रम सउल नेपाल गुम्बा अवस्थित गाङ्नाम, इलवान दोङ्मा विहान ठिक ११ बजे हुनेछ ।
