समाजसेवी पद्माका तीन कृति विमोचित ( भिडियो सहित)

काठमाडौं – अमेरिकामा बसेर नेपाली साहित्य र संगीत क्षेत्र मार्फत गाउ बिकासको निम्ति पद्मा लिंखा मगरले एकै चोटी तीनवटा कृति बजारमा ल्याएकी छिन | गत शनिबार काठमाडौंमा बिन्ध्यवासिनी म्युजिकले आयोजना गरेको कृति बिमोचन समारोहमा नेपाल संगीत तथा नाट्य प्रज्ञा प्रतिष्ठानका कुलपति सरुभक्त, गीतकार किरण खरेल, नेपाल प्रज्ञा प्रतिष्ठानका प्राज्ञ परिषद् सदस्य श्रवण मुकारुङ, संगीतकार राजु सिंह र रेडियोकर्मी रमेश पौडेलले गीति एल्बम ‘नजर २’, गीति संग्रह ‘इन्द्रेणी’ र गजल संग्रह ‘उज्यालोको खोजी’ एकसाथ तीनवटै कृतिको संयुक्त रूपमा लोकार्पण गरेका थिए |

नजर २’ एल्बममा ऋतु हेर्ने यो नजरको, मनको दैलो, एक्लो पारी गयौ तिमी, नियतिको छालमा बग्दै, चोखो मन र सिन्दुरमा र लिँदै छु बिदा बोलका छ वटा गीतमा राजेशपायल राई, अञ्जु पन्त, स्वरूपराज आचार्य, बानिका प्रधान, रजिना रिमाल, कृष्णभक्त राई र दीपक लिम्बूको स्वर भरेका छन् भने राजेश थापा, राजकुमार बगर, बीबी अनुरागी, सन्तोष श्रेष्ठ र महेश खड्काको संगीत रहेको छ |

पहिलो एल्बम नजर बिक्रीबाट प्राप्त ७ लाख १३ हजार रकम झुम्लावाङ गाउँ संस्थापना (जेभीएफ) लाई प्रदान गरेकी थिइन् | दोस्रो एल्बम नजर -२ , गीति संग्रह ‘इन्द्रेणी’ र गजल संग्रह ‘उज्यालोको खोजी’ को बिक्रिवाट प्राप्त सम्पूर्ण रकम झुम्लाबाङको बिकास निर्माणको लागि प्रदान गरिने मगरले जानकारी दिईन |