कोरियाको किम्हे सहरमा नेपाली चलचित्र छक्का पञ्जा ४ प्रदर्शन हुने
![](https://www.fonijkorea.net/wp-content/uploads/2023/04/E2FAFB91-AD13-485A-8678-C53A5BE75E91-300x450.jpeg)
दक्षिण कोरियाको किम्हे सहरमा नेपाली चलचित्र छक्क पञ्जा ४ प्रदर्शन हुने भएको छ । नेपाल तामाङ घेदुङ दक्षिण कोरिया ख्यङ्साङ् बुसान शाखाले यहि अप्रिल ३० मा उक्त चलचित्र प्रदर्शन गर्न लागिएको हो ।
चलचित्र बुसान किम्हे सहर स्थित गया युनिभर्सिटी हलमा प्रदर्शन हुने छ । मनोरञ्जका साथ साथै सामाजिक कार्यको लागी सहयोग गर्ने उद्देश्यले चलचित्र प्रदर्शन गर्न लागिको जनाएको छ ।
तेह्रथुम जिल्लाको अठाराई गाउपालिका वार्ड न. ६ मा केही समय अगाडि भएको भीषण आगोलागी बाट विस्थापित घरपरिवारलाई सहयोग गर्ने मुख्य उद्देश्यले चलचित्र प्रदर्शन गर्न लागिएको तामाङ घेदुङ दक्षिण कोरिया ख्यङ्साङ् बुसान शाखाले जनाएको छ ।
आफ्नो कला, सस्कृती, भाषाको संरक्षण गरौं नेपाली चलचित्र लाई माया गरौं भन्दै सम्पुर्ण नेपाली दाजुभाइ तथा दिदिबहिनीहरुमा उपस्थित भै चलचित्र हेरि सामाजिक कार्यमा हातेमालो गरिदिनु हुन आयोजक संस्थाका अध्यक्ष सोम योञ्जनले अनुरोध गरेका छन् ।
यस फिलिमलाई हेमराज विसीले निर्देशन गरेको हो । दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय रहेको छ। फिल्मको कथा दीपकराज गिरीले तयार पारेका हुन् ।
नरेन्द्र मैनालीले छायांकन गरेको फिल्मलाई निमेष श्रेष्ठले सम्पादन गरेका हुन् ।
दिपेन्द्र खनिया र केशव न्यौपाने निर्माता रहेको फिल्मका कार्यकारी निर्माता केदारप्रसाद घिमिरे र निर्मल शर्मा छन्।
आमा सरस्वती मुभिज र आइएमीको प्रस्तुति रहेको फिल्म नेपालमा गत फागुन १९ गतेदेखि प्रदर्शन भएको हो । दक्षिण कोरियाको सौल लगायत शहरमा पनि यस चलचित्रको सफल प्रदर्शन भैसकेको छ ।