अनेरास्ववियु : हिजो आज र भोलि


लेखक खगेन्द्र सङ्ग्रौलाले कुनैबेला भन्थे – फलानो नेताको अनुहार टिभीमा देख्दा एमालेको ५ भोट घट्छ – यस्तालाई पार्टीको फ्रन्ट मोर्चामा नराख्दा राम्रो । उसको सुझाव थियो यो; भलै उसको कुरा अलि बढी नैं बायस्ड थियो । तर एमाले अखिल भने यति बदनाम चैं भएको छैन भन्ने लाग्छ । नाम सम्झिँदै मन उज्यालो हुने केही पात्रहरु अझै पनि छन् अखिलमा । खराबहरु पनि धेरै नभएका होइनन् ! अखिलमा अचेल प्रश्नहरुको डङ्गुर निकै नैं छ भन्ने सुनिन्छ । विद्यार्थी संगठन आफ्नो मुद्दाबाट निकै पर पुग्यो भन्ने आरोप पनि छ । किनकि अखिल अरुहरुको भीडमा अरुजस्तै भइदियो । अखिल अखिलजस्तो हुनुपर्थ्यो । भएन । दु:ख लाग्छ । यसका बाबजुद पनि कागको बीचमा बकुल्ला नैं सहि; केही आशाका किरणहरु भने अझै बाँकी छन् अखिलमा । अर्को शब्दमा भन्दा हिङ नभए पनि हिङ बाँधेको टालो अझै बाँकी छ । कम्तीमा टालो जोगाउनु आजको आवश्यकता हो । समयले कहिलेकाहीँ यस्तो पनि अवस्थाको सिर्जना गर्छ ।

आजसम्मका हरेक सामाजिक तथा राजनीतिक आन्दोलनको अग्रमोर्चामा अखिलले खेलेको भुमिका उच्चकोटीको छ । त्यसलाई समयले उचित मुल्यांकन गरेको छ । भोलि पनि गर्नुपर्छ भन्ने लाग्छ । एमालेको आजको ब्यवस्थित संगठनको पिलर अखिल हो भन्दा फरक नपर्ला । किनकि यो पृष्ठभुमिबाट आएकाहरु पार्टीका निकै महत्त्वपूर्ण ठाउँहरुमा स्थापित भइसकेका छन् । भोलिका लागि नेतृत्वको लाईनमा रहेकाहरु पनि धेरैजसो अखिल पृष्ठभुमिकै छन् । आज शङ्कर पोखरेल, टंक कार्की, हिक्मत कार्की, योगेश भट्टराई, रबिन्द्र अधिकारी र ठाकुर गैरेहरु नैं खोज्न त हामी सक्दैनौँ । तैपनि इमान र आफ्नो धरातलमा टसमस नभई सतिसाल झैँ उभिएका त्यस्ता केही पात्रहरू छन्; उहाँहरुलाई सलाम छ । शुभकामना पनि छ – यसपटक इमानदार, विवेकशील, बैचारिक र कर्मशीलहरुले अखिलको त्यो गर्विलो झन्डा बोक्न सफल रहोस् ! अब फाल्गुण पहिलो साता उत्साह, उमंग र नयाँपनलाई स्वागत अनि राजनीतिक सिन्डिकेटका पक्षधरहरु, ठुला नेतासँग सेल्फी खिच्नेबाहेक खासै काम नगर्नेहरु, दोहोरो जिम्मेवारीमा रहेकाहरु र पार्टीका अन्य ठाउँमा समेत महत्त्वपूर्ण स्थान ओगटेर बसेकाहरुलाई बिदा गरौँ यदि अखिलको गौरवमय ऎतिहासिक साख साँच्चिकै जोगाउने हो भने ! हुन त हाम्रो सुझाव कसले सुन्ने । कसले बुझ्ने । तैपनि बोल्न त पाइयो नि ! शुभेच्छा जाहेर गरेर नराम्रो हुन्न होला । हामी जस्तोले सक्ने त यसरी बोलेर मनैदेखी शुभेच्छा व्यक्त गर्ने न हो ! बाँकी त तमाम परिवर्तनकामी विद्यार्थी साथीहरूको हातको कुरा न हो ! भोलीको अखिल अरुजस्तो होइन । अखिल आफैंजस्तो होस् । शुभेच्छा छ । शुभकामना छ !

यसपटक यहि फाल्गुन २-४ सम्म काठमाडौंमा अखिलको महाधिवेशन हुँदैछ । धेरैले मुल नेतृत्वमा दाबी गरिरहेका छन् । अन्य पदाधिकारीहरुमा दाबी गर्नेहरुको लर्को झनै ठुलो छ । यो स्वभाबिक पनि हो । किनकी निकै लामो समयपछि लोकतान्त्रिक तरिकाले अखिलको महाधिवेशन हुँदैछ । एक हिसाबले नेतृत्व जाम भएको छ । आजको यो अवसर भनेको नेतृत्वमा नयाँहरुले प्रभावकारी हस्तक्षेप गर्ने सुनौलो अवसर पनि हो । अपेक्षा छ यो अवसरको सदुपयोग हुनेछ । यसपटक हेरौं; कतिको साहस गर्छन् नयाँ तर भिजन र साहस भएकाहरुले । हुनत कुरा गर्नु र काम गर्नु आकाश पातालको फरक हुन्छ । त्यति सजिलो भने छैन । झन् राजनीतिमा त यस्तो अरु क्षेत्रमा भन्दा बढी देखिएको छ ।

पछिल्ला दिनहरुमा यसखाले प्रवृत्ति झन् मौलाएको छ । तैपनि आशा न हो अखिल राम्रो होस् भन्ने हामी सबैको शुभेच्छा हो । यसका लागि ब्यक्तिगतरुपमा केही सुझावहरु बुँदागतरुपमा दिन चाहन्छु:

१. आजसम्म हामी कहाँ र के मा चुक्यौँ त्यो ठम्याउनु जरुरी छ । अनिमात्र नयाँ शिराबाट कसरी अगाडी बढ्ने भन्ने कुरा आउँछ ।
२. अबको अखिल हरेक हिसाबले समाबेशी अखिल हुनुपर्ने ।
३. तोकेको उमेर हदको कार्यान्वयनमा विशेष जोड दिनुपर्ने ।
४. एकैसमय अखिल र मातृपार्टी दुबैमा जिम्मेवारीमा रहन नपाउने । एक ब्यक्ति एक पद लागू गर्नैपर्ने ।
५. एसम्यान होइन जेन्युइन्ली पार्टी नेतृत्वलाई समेत प्रश्न गर्नसक्ने निर्भीक अखिल बनाउने ।
६. हिजोदेखिको आफ्नो शैक्षिक मुद्दा स्थापित गराउन भरमग्दुर कोसिस गर्नुपर्ने ।
७. हिजोको गरिमामय ईतिहासको शाख कसरी जोगाउने भन्नेबारे प्रष्ट खाका ल्याउनुपर्ने ।
८. अहिलेको शिक्षाप्रतिको अखिलको प्रष्ट दृष्टिकोण के हो त्यो खुलाउनुपर्ने । अनि नयाँ सुझाव केही छन् भने त्यो पनि खुलाउनुपर्ने ।
९. विश्वबिद्यालयलाई साँच्चिकै विश्वबिद्यालयजस्तो बनाउन अखिलको खास भुमिका के हुने प्रष्ट पार्नुपर्ने ।
१०. नयाँ पुस्ताको राजनीतिप्रतिको हेराई र बुझाईलाई करेक्सन गराउन अखिलले के गर्न सकिन्छ प्रष्ट खाका आउनुपर्ने ।
११. अन्तमा अखिलको नेतृत्व आफैं पनि शैक्षिक बैचारिक हिसाबले सुध्रिन सुधार्न के – के गर्न सकिन्छ ? त्यो प्रष्ट पार्नुपर्ने ।

— एन.डि. क्षितिज

(लेखक पर्यटन ब्यवसायी तथा नेकपा एमाले काभ्रे जिल्ला कमिटी सदस्य हुन्)

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • पूर्वाञ्चल सरोकार समाजले छुसकको कार्यक्रम बाँडफाँड तथा संयुक्त कार्यालय उद्घाटन गर्दै
  • सोनाम ल्होछार बृहत साँस्कृतिक कार्यक्रमको समिक्षा एवं आयव्यय सार्वजनिक गरिने
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...