सलनालमा सुम्निमा पारुहाङ साहित्य साँझ सम्पन्न
गत शनिवार किरात राई यायोख्खा दक्षिण कोरियाको साहित्य विभागको आयोजनामा दोङदेमुन स्थित निक ट्राभल्सको सभा हलमा सुम्निमा पारुहाङ साहित्य साँझ -१ सम्पन्न भएको छ । कार्यक्रममा झण्डै तीन दर्जन बढी कविता गजल र मुक्तकहरू बाचिएका थिए। सुनिल दिप्त राई, सुष्मा रानाहँमा, विष्णु सन्यास, अजित उत्सव, जीवन खत्री, शकुन आँसु, मातृहाङ नेम्वाङ, विनेश राई ‘मिन्जाई’, बलिन्द्र योङ्हाङ, नरेन्द्र मलिमलाल लगायतले कविता सुनाएका थिए । हेयारी बोण्ड, आर एन अधिकारी, सञ्जय, दिपक स्पन्दन, अर्जुन साम्पाङ ,टिएस राई, बिराज येक्तेन, अर्जुन लिम्बु लगायतले गजल मुक्तकहरू सुनाए ।
कवि तथा समालोचक तथा याक्थुम चुम्लुङ लेखक संघका महासचिव, बलिन्द्र योङहाङ, अनेसास कोरियाका अध्यक्ष ह्यारी बोण्ड, नेपाली मुक्तक प्रतिष्ठान, कोरियाका अध्यक्ष आर एन अधिकारी, आदिवासी जनजाति महासंघ दक्षिण कोरियाका कार्यवाहक अध्यक्ष बिसन राई, आयोजक संस्थाका संरक्षक तथा संस्थापक सल्लाहकार शेसेहाङ राई र लोचन राई बाट कार्यक्रममा शुभकामना मन्तव्य दिएका थिए।
आफ्नो समदाय, पहिचानको अस्तित्वको लागि कलम चलाई रहेका कवि शकुन आँसु, कवि सुनिल दिप्त राई, कवि कथाकार दिलिप बान्तवा, कवि विनेश राई ‘मिन्जाई’, पत्रकार तथा लेखक बाला थुलुङ, तथा समाजसेवी न्यूहाङ चाम्सलाई सम्मानपत्र सहित सम्मान समेत गरिएको थियो । कार्यक्रममा रचना वाचन गर्ने सबै स्रष्टाहरूलाई प्रशंसापत्र समेत वितरण गरिएको थियो ।
कार्यक्रमको प्रमुख अतिथि रहेका कवि तथा इतर अभियानका शिर्षविन्दु पराजित पोमुले कार्यक्रममा वाचन गरेका कविहरुको कविता माथि टिप्पणी समेत राखेका थिए । साहित्य बिभाग प्रमुख संयोजक सुष्मा रानाहँमाले कार्यक्रमबारे बोल्दै जातिय संस्था भए पनि आम नेपाली समुदायको कविहरुको उपस्तिथिले साहित्यिक कार्यक्रम गर्नुको उद्देश्य सफल भएको बताइन् । तीन घण्टा चलेको कार्यक्रमलाई कवि दिपा मेवाहाङ राईले सञ्चालन गरेकी थिईन । कार्यक्रममा सभापति किरात राई यायोख्खा दक्षिण कोरियाका अध्यक्ष पदम राईले यस्ता साहित्यिक कार्यक्रमहरु अन्य भागहरुमा फेरि आउने बताउदै कार्यक्रम समापन गरेका थिए ।
