ताप्लेजुङ सम्पर्क समिति कोरियाले सलनालमा सांगीतिक कार्यक्रम गर्ने
![](https://www.fonijkorea.net/wp-content/uploads/2022/11/7B0D9DBA-2868-41EA-833D-15F3500FFC94-838x450.jpeg)
कोरियाली नयाँ वर्ष सलनालको अवसरमा ताप्लेजुङ सम्पर्क समिति दक्षिण कोरियाले सांगीतिक कार्यक्रम आयोजना गर्ने भएको छ। नोभेम्बर २० तारिख आइतबार पूर्वाञ्चल सरोकार समाजले गरेको कार्यक्रम बाँडफाँडबाट ताप्लेजुङ र इलामको आवेदन रहेपनि आपसी सहमतिमा ताप्लेजुङ सम्पर्क समितिले कार्यक्रम गर्ने अनुमति पाएको हो।
ताप्लेजुङ जिल्लाको विकट क्षेत्रमा शिक्षा र स्वास्थ्य क्षेत्रमा सहयोग गर्ने उद्देश्यले कार्यक्रम गर्न लागेको अध्यक्ष सागर माङ्मूले जानकारी गराएका छन्। नेपालबाट लोकप्रीय कलाकारहरुको साथमा गर्न लागेको कार्यक्रमको मिति भने केहि दिनमा हलको व्यवस्था भएपछि सार्वजनिक गरिने भएको छ।
कोरोना कहरका कारण विगत २ वर्षदेखि कोरियामा बृहत सांगीतिक कार्यक्रमहरु भएका छैनन्।