थेगु नेपाली मञ्चको पहिलो अधिवेशनबाट भानु घिमिरेको नेतृत्व रहने गरी कार्यसमिति चयन

“एकता र अनुशासन” भन्ने मूल नारालाई अनुशरण गर्दै सन् २०१९ मा स्थापित थेगु क्षेत्रमा रहेको संघसंस्थाहरुको छाता संगठन थेगु नेपाली मञ्चको पहिलो अधिवेशन सम्पन्न भएको छ । यही सेप्टेम्बर १८ तारिक बालाजी रेष्टुरेन्ट थेगुमा मञ्चका कार्यवाहक अध्यक्ष रमेश रानाको सभाध्यक्ष र समाजसेवी तथा व्यवसायी मानसिङ्ग गुरुङको प्रमुख आतिथ्यतामा सो अधिवेशन सम्पन्न भएको हो ।

अधिवेशनमा नेपाल मगर संघ थेगु शाखाका अध्यक्ष चिरन थापा मगर, स्याङ्जा परिवार थेगु शाखाका अध्यक्ष मित्र मगर, तमू धीं थेगु शाखाका अध्यक्ष गणेश गुरुङ, तमू धीं थेगु शाखाका निवर्तमान अध्यक्ष हर्क गुरुङ, नेपाली परोपकार समाज खुजीका अध्यक्ष नवीन बराल, वेगान नेपाली साथी समूहका निवर्तमान अध्यक्ष पासाङ शेर्पा, बागलुङ समाज थेगु शाखाका अध्यक्ष ज्ञानु श्रीस मगर, ओखलढुङ्गा सेवा समाज दक्षिण कोरियाका निवर्तमान अध्यक्ष फडिन्द्र अधिकारी, लोक तथा दोहोरी गीत प्रतिष्ठान कोरिया शाखाका निवर्तमान अध्यक्ष एवं वर्तमान संरक्षक जितन भाई श्रीस मगर, नेपाल मगर संघ थेगु शाखाका संरक्षक नरेश थापा, बागलुङ समाज थेगु शाखाका निवर्तमान अध्यक्ष सुरेश खत्री, विश्वकर्मा समाज दक्षिण कोरियाका निवर्तमान अध्यक्ष सन्तोष विश्वकर्मा, माया रेष्टुरेन्टका सञ्चालिका प्रतिमा सिँह ठकुरी लगायतका अतिथिहरु कार्यक्रममा उपस्थित थिए ।

उदघाटन सत्रपछिको बन्द सत्रमा फडिन्द्र अधिकारीको संयोजकत्व, सदस्यहरु नरेश थापा, पासाङ शेर्पा, पूर्ण लिम्बु रहने गरी बनेको निर्वाचन मण्डलले निर्वाचन सम्बन्धी सम्पूर्ण प्रक्रिया पूरा गर्दै नव गठित कार्यसमितिलाई सपथ ग्रहण गराएका थिए । थेगु नेपाली मञ्च थेगु दक्षिण कोरियाको पहिलो अधिवेशनबाट अध्यक्षमा भानु घिमिरे, उपाध्यक्ष हर्क गुरुङ, सचिव सन्तोष काश्यप विक, कोषाध्यक्ष तिलक तामाङ सर्वसम्मत चयन भएका छन् भने संरक्षकमा रमेश राना र फडिन्द्र अधिकारी, प्रमुख सल्लाहकार चिरन्जीवि पाण्डे, सल्लाहकारहरु विरेन्द्र नौभाग्य, पासाङ्ग शेर्पा मनोनित भएका छन् । उद्घाटन सत्रमा मञ्चका सचिव सुजन ज्ञवाली र बन्द सत्रमा अधिवेशन संयोजक फडिन्द्र अधिकारीले कार्यक्रम सञ्चालन गरेका थिए ।

थेगु आसपास रहेको सबै संघसंस्थाहरुलाई गोलबद्ध र एकताबद्ध बनाई एकापसमा हातेमालो गराउने अवधारणा बोकेको मञ्चले छिटो नै पहिलो बैठक मार्फत रिक्त भएको कार्यसमितिको पदपूर्ति गर्ने र आवश्यक अन्य विभागीय संरचनाको निर्माण गर्ने जनाएको छ । थेगु नेपाली मञ्चको पहिलो अधिवेशनलाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्विजीवी, शुभचिन्तक, समस्त सदस्यहरुलाई मञ्चले हार्दिक धन्यवाद व्यक्त गरेको छ ।