तामाङ पर्यटन संजालद्वारा नवनिर्वाचित जनप्रतिनिधि हरुलाई सम्मान
पर्यटन क्षेत्रमा आवद्ध समग्र तामाङहरुको साझा संस्था “तामाङ रिमठिम पर्यटन संजाल” को आयोजनामा यस संस्थामा प्रत्यक्ष – परोक्षरुपमा आबद्ध रहेका नवनिर्वाचित जनप्रतिनिधिलाई सम्मान गरेको छ ।
यहि २०७९ बैशाख ३० गते सम्पन्न भएको स्थानीय तहको निर्बाचनमा देशभरका बिभिन्न पालिकाहरुको विभिन्न महत्त्वपूर्ण पदहरुमा निर्बाचित भएर आएका जनप्रतिनिधि हरुलाई संस्थाको तर्फबाट बधाई, शुभकामना एवं सम्मान कार्यक्रम आज पा:लु रेस्टुरेन्ट लाजिम्पाटमा भब्यताकासाथ सम्पन्न भएको छ ।
संस्थाका अध्यक्ष अम्बर बम्जन तामाङको अध्यक्षतामा सम्पन्न कार्यक्रमको प्रमुख अतिथी नेपाल पर्वतारोहण सङ्घका अध्यक्ष श्री सन्तबिर लामा तामाङ रहेका थिए । तामाङ समाजका अग्रज ब्यक्तित्वहरु, पर्वतारोही, पर्यटन ब्यवसायी, ट्रेकिङ गाइड र टुरगाइडहरुको उल्लेख्य उपस्थिति रहेको सो कार्यक्रममा पर्यटन पेशामा आबद्ध भएका सातजना निर्वाचित जनप्रतिनिधिहरुलाई सम्मान गरिएको र आगामी दिनमा पनि समुदायको हितमा महत्त्वपूर्ण योगदान पुर्याउने र उत्प्रेरित गर्ने विभिन्न पात्रहरुलाई सम्मान गरिने संस्थाका संस्थापक सचिव नरध्वज तामाङ “क्षितिज” ले बताए ।
आज सम्मानित हुनुहुने जनप्रतिनिधि :
१. जगत लामा : मेयर – बेलकोटगढी नगरपालिका, नुवाकोट
२. सन्तमान लामा : अध्यक्ष – तादी गाउँपालिका, नुवाकोट
३. नकुर दोङ तामाङ : वडाध्यक्ष, तादि – १, नुवाकोट
४. निरध्वज लामा : वडाध्यक्ष, रोशी – ५, काभ्रे
५. बसन्त तामाङ : वडाध्यक्ष, रोशी – १२, काभ्रे
६. पेम्बा लामा लोप्चन : वडाध्यक्ष, तेमाल – ४, काभ्रे
७. प्रेम ब. लामा : वडाध्यक्ष, तेमाल- ६, काभ्रे
