कोरियाको विश्व प्रसिद्ध लोटस् ल्यालटिन फेस्टिवल अप्रिल ३०, सउल नेपाल गुम्बाले २५६६औं बुद्धजयन्ती मे १५ मा गरिने
कोरियन बौद्ध धार्मिक संस्था, धर्मलम्बीको आयोजना र बिदेशी धार्मिक संस्थाहरू सहभागिता रहने लोटस् ल्यालटिन फेस्टिवल (Lotus Lantern Festival)- २०२२ विश्व शान्ति र्याली अप्रिल ३० तारिख हुदैछ । दक्षिण कोरियाको विश्व प्रसिद्ध लोटस् ल्यालटिन फेस्टिवल लाखौं लाखको सहभागिता हुने कार्यक्रम कोरोना महामारीले २ बर्ष पछि हुन लागेको हो ।
सउल नेपाल गुम्बा दक्षिण कोरियाले “२५६६औं बुद्धजयन्ती” मे १५ तारिख पुर्णिमाका दिन आईतबार मनाउने भएको छ ।
विश्व शान्तिका अग्रदूत भगवान शाक्यमुनी बुद्ध जन्मेको तिथि, २९ वर्षको उमेरमा सत्यको खोजीमा गृहत्याग गरी ६ वर्षसम्मा कठोर तपस्या पश्चात बुद्धत्व ज्ञान प्राप्त गरेको तिथि र ८० वर्षको उमेरमा महापरिनिर्वाण भएको ३ तिथि एकै बैशाख पूर्णिमा तिथिमा पर्छ । उक्त महान तिथिलाई बौद्ध धर्मावालम्वीहरूले बिशेष महत्वका साथ बुद्द जयन्तीका रूपमा मनाउदै आइरहेको छ ।
विश्व शान्ति, विश्व महामारी कोरोना भाइरस् सिघ्र निर्मूल र हाल रसिया र युक्रेन युद्ध पनि सिघ्र शान्ति कायम होस् भन्ने उद्धेश्यले दक्षिण कोरियास्थित नेपाली गुम्वा थेग्छेन् छ्योइलिङ सउल नेपाल गुम्वाले नेपाली पूर्णिमाका दिन बुद्धजयन्ती कार्यक्रम भव्य मनाउने गुम्बाका लामा प्रमुख कुन्साङ दोर्जेले जानकारी दिनुभयो ।
बुद्द जयन्तीमा विशेषताः व्यक्ति स्वयम कार्यक्रममा पाल्नु भै एउटै बत्ती, एउटै फलफूल भएनी आफू स्वयमले प्रत्यक्ष चढाउने र आफ्नो ईच्छ र आफ्नै हातले सकेको दान गर्नले अतिनै लाभदायी हुने विश्वास गरिन्छ । साथै उक्त दिन भगवानको प्रसाद ग्रहण गरिदिन हुन समेत प्रमुख लामाले अनुरोध गरेका छन् ।
गुम्बा व्यवस्थापन समिति र प्रमुख लामाले २५६६औं बुद्धजयन्तीको अवसरमा देश तथा विदेशमा रहेका बौद्ध धर्मावालम्विहरूका साथै सम्पूर्ण नेपालीको सुख, सम्बृद्धि र बिश्व शान्तिका हार्दिक शुभकामना व्यत्त गरेको छ ।
उक्त कार्यक्रम सउल नेपाल गुम्बा अवस्थित गाङ्नाम, इलवान दोङ्मा विहान ठिक ११ बजे हुनेछ ।
