शारीरिक तथा मनोरोग परामर्श कार्यक्रम हुने
दोलखाली समाज दक्षिण कोरिया, सिन्धुपाल्चोक समाज दक्षिण कोरिया , रामेछाप सम्पर्क समिति दक्षिण कोरिया मिलेर शारीरिक तथा मनोरोग परामर्श कार्यक्रम गर्ने भएको छ । आउँदो शनिबार बेलुकी ८ बजे हुने कार्यक्रमलाई न्युरो मनोचिकित्सक डा. सन्जिब चन्द्र गौतम र स्वास्थ्य तथा जनसंख्या मन्त्रालय विज्ञ सल्लाहकार डा. रमेश ढकालले प्रशिक्षण दिने भएका छन् ।
कोरियामा रहेका नेपालीहरुलाई कार्यक्रममा सहभागिताका लागि आयोजकलाई आग्रह गरेका छन् । ‘व्यस्त कार्य दैनिकीबाट थोरै समय आफ्नो लागि छुट्याउनु राम्रो हो । यो कार्यक्रमले कोरियामा रहेका हामीलाई फाइदा पुग्छ । साथै केही आफ्ना समस्या छन् भने पनि विज्ञ डाक्टरहरुसँग सोध्न सकिन्छ । त्यसैले पनि कार्यक्रममा सहभागिताको लागि आग्रह गर्छौ ।’ दोलखाली समाज दक्षिण कोरियाका अध्यक्ष निर्मल कार्कीले भने ।
डाक्टर ढकाल शंकरापुर अस्पतालका निर्देशक हुन भने डाक्टर गौतम सोही अस्पतालमा न्यूरो मनोचिकित्सकका रुपमा कार्यरत छन् । दुबै जना डाक्टरहरुले आफ्नो क्षेत्रमा लामो समय देखि विषय विज्ञका रुपमा कार्य गरेका पनि आयोजकहरुले बताएका छन् ।
भर्चुअल माध्यमबाट हुने कार्यक्रममा सुगर, प्रेसर, ग्यास्ट्रिक लगायत डिप्रेसन, एन्जाइटि, ओसोडि, तनाब बारे परामर्श हुने पनि आयोजकले जनाएका छन ।
दिने भएको हुनाले उक्त कार्यक्रममा उपस्थिति जनाइ प्रशिक्षित हुने साथै परामर्श लिने अवसरको लाभ लिनहुन सम्पुर्ण कोरियाबासी दाजुभाइ तथा दिदिबहिनीहरुमा हार्दिक अनुरोध गर्दछौं ।
कार्यक्रम हुने
मिति: २०२२ अप्रिल ०९
समय : बेलुकी ८ बजे(काेरियाली समय)
स्थान : जुम भर्चुअल
आइडी : 86074857593
पासकोड: healthcare
