सोलुखुम्बु सेवा समाज दक्षिण कोरियाको दशौं अधिबेशन सम्पन्नः अध्यक्षमा राजु राई
दक्षिण कोरियामा क्रियाशील क्षेत्रीय संस्था सोलुखुम्बु सेवा समाज दक्षिण कोरियाको दशौं अधिबेशन डिसेम्बर ५ तारिख सम्पन्न भएको छ । अधिबेशनबाट संस्थाको दशौं कार्यकमितिको अध्यक्षमा राज कुमार राई (राजु) सर्बसम्मत निर्वाचित भएका छन् ।
अधिबेशनबाट बरिष्ठ उपाध्यक्षः दिनेश नाछिरिङ राई उपाध्यक्षः सिताराम बस्नेत, म.उपाध्यक्षः प्रमिला कार्की, सचिवः बसन्त नाछिरिङ राइ, सह-सचिवः दिपेन्द्र निरौला, कोषध्यक्षः प्रबिन राइ, सहकोषध्यक्षमा दिल बाहिङ राइ निर्वाचित भएका छन् । साथै सदस्यहरुमा गेल्छीरी शेर्पा, उदय खड्का, जमुना राइ, दावा लामा तामाङ र मिनिसा राई निर्वाचित भएका छन् ।
यो हाम्रो गौरवसाली संस्थाको जुन विश्वासले सुम्पिनु भएको जिम्मेवारी पूरा गर्न हरदम प्रयत्नशील रहने प्रतिबद्धता नबनिर्वाचित अध्यक्ष राजु कुमार राईले व्यक्त गरे । साथै संस्थामा साथ सहयोग र मायासंगै कोरियाली आम सोलुखुम्बुवासी दाजुभाइ तथा दिदिबहिनीहरुमा जोडिन अनुरोध समेत गरेका छन् ।
सोलुखुम्बु सेवा समाज ‘नेपालको सान, विश्वको सर्वोच्च शिखर सगरमाथा सोलुखुम्बुको पहिचान नारा’ लिएर सन् २००३ मा स्थापित दक्षिण कोरियामा क्रियाशील क्षेत्रीय संस्था मध्येको एक हो ।
