प्रदेश नम्बर ३ एकता समाज दक्षिण कोरियाको अधिवेशन सम्पन्न, अध्यक्षमा रवि प्रताप घिसिङ
प्रदेश नम्बर ३ (बागमती प्रदेश) एकता समाज दक्षिण कोरिया को दोश्रो अधिवेशन सम्पन्न भएको छ । अधिवेशनबाट कार्यसमितिको अध्यक्षमा रवि प्रताप घिसिङ निर्वाचित भएका छन् ।
आइतबार भर्जुअल माध्यम जूम मार्फत सम्पन्न उक्त अधिवेशन औपचारिक कार्यक्रममा बागमती प्रदेशका मुख्य मन्त्री डोरमणि पौडेलको प्रमुख आतिथ्यमा सम्पन्न भएको हो । कार्यक्रम मार्फत मुख्य मन्त्रीले समाजको आफ्नै वेवसाइट समेत उद्घाटन गरेका थिए ।
अध्यक्ष किशोर ब्लोन नियोगको अध्यक्षतामा भएको उक्त औपचारिक कार्यक्रममा बागमती प्रदेश अन्तर्गतका सबै क्षेत्रीय संस्थाहरुको प्रतिनिधिको सहभागीता रहेका थिए ।
अधिवेशनको बन्दसत्र मार्फत समाजको नयाँ कार्यसमितिको निर्वाचित भएको हो । अध्यक्ष घिसिङ सहित वरिष्ठ उपाध्यक्षमा सुरज दर्लामी, उपाध्यक्षमा जयराम ढुंगाना, अङ्कित कर्की र मनोज कुमार सुवेदी निर्वाचित भएको हो ।
साथै महासचिवमा गोकुल प्रसाद ढंगोल, सचिवमा रहर लामा र उत्तम खनाल, कोषाध्यक्षमा
सुरेश थिङ, सह-कोषाध्यक्षमा सागर लामा रहेका छन् ।
सदस्य तथा जिल्ला संयोजकमा नुवाकोट समाजको तर्फबाट रमेश श्रेष्ठ रहेका छ्न । अन्य सदस्य तथा जिल्ला संयोजक पछि क्षेत्रीय संस्थाहरुले पठाए बमोजिम हुने जनाएको छ ।
नव निर्वाचित अध्यक्ष घिसिङले संगठन कुनै एक ब्यक्तिले मात्र चलाउने हैन सामुहिक रुपमा सबैको सहकार्यमा मात्र सफलता पाउने भन्दै सबैको साथ र सहयोगमा संस्था र प्रदेश नम्बर ३ को सफलताको लागि उचित कार्यहरू गर्ने बताए ।
