कोरियाले विदेशी विद्यार्थी लोभ्याउने नीति लिँदै
नोमराज गुरुङ्
सोल -कोरिया सरकारले विदेशी विद्यार्थीको संख्या बढाउने लक्ष्य लिएको छ । उसले हालैमा कोरियामा अध्ययनरत ८४ हजार विद्यार्थीहरुको संख्यालाई बढाएर २०२३ सम्म २ लाख पुर्याउने र अन्तर्राष्ट्रिय विद्यार्थी मैत्री कलेज बनाउने लक्ष्य लिएको हो ।
मंगलबार सम्पन्न क्याबिनेट मिटिङ्मा यहाँको शिक्षा मान्त्रालयले २०११ यता कोरियामा घटिरहेको विदेशी विद्यार्थीहरुको संख्यालाई पुन बढाउन र यहाँको शैक्षिक बातावरणलाई पुर्नताजकी बनाउन नयाँ नीति र कार्यक्रमको प्रस्ताव समेत गरेको छ ।
विशेषगरी मन्त्रालयले यहाँका कलेजहरुलाई विदेशी विद्यार्थीहरुको लागि कलेजमा छुट्टै विभाग खोल्न अनुमति दिने नीति लिने जनाएको छ ।
त्यस्तै मन्त्रालयले विदेशी विद्यार्थीहरुलाई लक्षित गर्दै प्रतिस्पर्धात्मक अन्तर्राष्ट्रिय श्रमबजारमा प्रतिस्पर्धा गर्न सक्ने गरी अँग्रेजी बेस विज्ञान र ईन्जिनियरिङ् अध्ययापन गराई स्थापित शैक्षिक कार्यक्रम ल्याउन कलेजहरुलाई सहयोग गर्ने प्रतिबद्धता लिएको छ ।
मन्त्रालयले विदेशी विद्यार्थीहरुबाट कोरियामा मास्टर डिग्री गरी सर्टिफिकेट लिए पनि सोही योग्यता अनुसारको काम पाउन नसकेको एउटै गुनासो आएको समेत उल्लेख गरेको छ । बरोजगारी समस्यालाई हल गर्नको लागि मन्त्रालयले ‘सरकारी रोजागार सहयोग कार्यक्रम’ अन्तर्गत अरु धेरै कम्पनीहरु थपिने समेत बताएको छ ।
३ वर्ष यता कोरियामा अध्ययन गर्ने विदेशी विद्यार्थीहरुको संख्या घटिरहेको जनाउँदै मन्त्रालयले २०११ मा ८९ हजार ५ सय ३७ विदेशी विद्याथी रहेकोमा २०१४ मा आईपुग्दा घटेर ८४ हजार ८ सय ९१ पुगेको उल्लेख गरेको छ ।
मन्त्रालयको अनुसार राजधानी सोलभन्दा बाहिरका कलेजहरुमा विदेशी विद्यार्थीहरुको उपस्थितिको स्थिति अझै खराब रहेको छ । यसको कारण अन्तर्राष्ट्रिय स्तरका १० कलेजहरु नै राजधानी सोलमा केन्द्रीत हुनु रहेको बताईएको छ ।
अगामी वर्षहरुमा राजधानी सोल बाहिरका कलेजहरुलाई विदेशी विद्यार्थीहरुको आकर्षण बढाउने विशिष्ट योजना र स्पष्ट दृष्टिकोण सहितको निर्देशिका तयार गर्नका लागि सरकारले प्रत्येक कलेज र कलेजको छुट्टै विभागलाई १६ लाख डलर दिने समेत जनाएको छ ।
यसको पहल स्वरुप शिक्षा मन्त्रालयले यसैवर्षदेखि शैक्षिक संस्थानहरुलाई ६ हप्ते शैक्षिक कार्यक्रमको प्रायोजन गरिदिने तर सो कार्यक्रममा १ सय विद्यार्थीहरु एशियाली राष्ट्रहरुबाट सहभागी गराउनुपर्ने र सहभागीहरुले राजधानी बाहिरका कुनै एउटा कलेजको अध्ययन भ्रमणको अनुभव लिने मौका दिनुपर्ने समेत उल्लेख गरेको छ ।
६ हप्ते शैक्षिक कार्यक्रमको लागि मन्त्रालयसँग आबद्ध राष्ट्रिय तथा अन्तर्राष्ट्रि संस्थाहरुसँग सहकार्य गरी मन्त्रालयले प्रभावकारी रुपमा बजारीकरण अभियान समेत गर्ने बताईएको छ ।
‘धेरै भन्दा धेरै विदेशी ट्यालेन्टहरुलाई कोरिया आईपुग्नु महत्वपूर्ण हो ।’ मन्त्रालयले भनेको छ , ‘त्यसैले हामीले कोरियाको उच्च शिक्षालाई सुधार गर्न र उत्कृष्ट बनाउन हामीले मिहनत गर्नेछौं ।’
विश्वभरीबाट नै विदेश अध्ययन गर्न जाने विद्यार्थीहरुको कुल संख्या मध्य कोरियामा जम्मा २ प्रतिशत मात्रै विदेशी विद्यार्थीहरु भर्ना हुने गरको मन्त्रालयले जनाएको छ । तुलनात्मक रुपमा यूके र अष्ट्र्ेलियामा क्रमश १८ र १९ प्रतिशत विदेशी विद्यार्थीहरु उच्च शिक्षा अध्ययनको लागि पुग्ने गरेको बताईएको छ ।
शिक्षा मन्त्रालयले आफुले लिएको अगामी शैक्षिक नीति सफल भए २०२३ सम्ममा विदेशी विद्यार्थीहरुको अहिले भएको २ प्रतिशत उपस्थितिलाई ५ प्रतिशतमा पुर्याइने बताइएको छ ।
