राष्ट्रिय लाेक तथा दाेहाेरी गीत प्रतिष्ठान नेपाल,काेरिया शाखाकाे दाेस्राे बार्षिक साधारण सभा सम्पन्न

२०२१ जनवरी १८ तारिख आईतबारका दिन राष्ट्रीय लोक तथा दोहोरीगीत प्रतिष्ठान नेपाल,दक्षिण कोरिया शाखाको दोस्रो बार्षिक साधारण सभा भर्चुअल जुम मार्फत सम्पन्न भएकाेछ।
प्रतिष्ठान कोरिया शाखाका अध्यक्ष जीतन भाई श्रीसको सभापतित्वमा भएकाे बार्षिक साधारण सभामा केन्द्रीय बरिष्ठ उपाध्यक्ष चर्चित लोक दोहोरी गायिका रिता थापा मगर प्रमुख अतिथि रहेका थिए। साथै बैदेशिक शाखा बार्षिक साधारण सभा संयोजक केन्द्रीय सदस्य गायक तथा संगीतकार राम कृष्ण बममल्ल विशेष अतिथिका रूपमा रहेका थिए।
प्रतिष्ठानका सचिब आर के पौडेलको संचालनमा रहेको सभा उपाध्यक्ष सुरज केसीले स्वागत मन्तब्य दिएका थिए भने सदस्य रेबु लामिछाने,सल्लाहकार द्वय मित्र बन्धु काफ्ले,शैलेश राना मगर साथै संरक्षक सिपी मगरले क्रमश बार्षिक साधारण सभा सफलताकाे शुभकामना मन्तब्य दिएका थिए।
बर्ष भरिको संागठानिक प्रतिवेदन सचिब आर के पौडेल र आर्थिक प्रतिवेदन सह-कोषाध्यक्ष बिष्णु पाण्डे लक्कीले पालै पालो पेश गरेका थिए।
कोरोना कहर संगै यसरी भर्चुल जुम मार्फत बार्षिक साधारण सभा सम्पन्न गरेकोमा धन्यबाद दिदै आगामी दिनमा प्रतिष्ठान कोरिया अझै मजबुद बन्दै जाओस् भन्दै केन्द्रीय उपाध्यक्ष रिता थापा मगरले शुभकामना दिएका थिए।
मगर संघ कोरियाका अध्यक्ष टेक पुन मगरले प्राविधिकका रूपमा सहयोग गरेका थिए।
कोरोनाले बिश्व नै तहस नहस पारेको बेला प्रतिष्ठान कोरियालाई पनि प्रत्यक्ष रूपमा नछुटो राख्न सकेन। प्रतिष्ठान काेरिया शाखाले गर्नु पर्ने धेरै कामहरू र योजनाहरू हुदा हुदै पनि अधुरै रहेको बताउदै उपस्थित सबै जनालाई धन्यवाद दिदै सभा अध्यक्ष जीतन भाई श्रीसले बार्षिक साधारण सभा समापन गरेका थिए।