कोरियाली मजदूर ज्याला निर्धारण समितिको मतदान आज

फोनिज कोरिया संवाददाता

–प्रतिघण्टा   ८,२ ०० वन देउ – कोरियाली मजदूर संगठन

–प्रतिघण्टा ५९४०-६१२० वनमा सम्झौता गर -सरकार

–प्रतिघण्टा ५७१५ भन्दा बढी दिन सकिंदैन -कम्पनि ब्यबस्थापन

सोल-मंगलबार बेलुकादेखि शुरु भएको कोरियाली मजदूर ज्याला समितिको बैठक बिना निष्कर्ष बुधबार बिहान ५.३० बजे समाप्त भएको छ | सरकारि प्रतिनीधि, मजदूर प्रतिनीधि र कम्पनि ब्यबस्थापन प्रतिनीधिबीच आउदो २०१६ का लागि ज्याला निर्धारण गर्न बसेको बैठक तीनै पक्षले आ-आफ्नो अडान नछोडे बिना निष्कर्ष बैठक आज दिउसो सम्मलाई स्थगित भएको हो |

बिहान ५.३० बजेसम्ममा ११ पटक समितिको कार्यालय थेजनमा  बसेको बैठकमा कोरियाली मजदूर संगठनले आउदो बर्षदेखि मजदूरको पारिश्रमिक प्रतिघण्टा   ८  हजार २  सय वन हुनुपर्नेमा अडान लिएको छ | यी संगठनहरुले प्रतिघन्टा १० हजार वन हुनुपर्ने माग राख्दै आएका थिए |

त्यस्तै कम्पनि ब्यबस्थापनका प्रतिनीधिहरुले सुरुमा ५  हजार ६  सय १० वन मात्र बढाउन सकिने बताए पनि बिहानसम्ममा प्रतिघण्टा ५ हजार ७ सय १५ वनसम्म हुनुपर्ने बताएका थिए |

मजदूर प्रतिनीधि र कम्पनि ब्यबस्थापन प्रतिनीधिबीच रस्साकस्सी भएपछि सरकारी अधिकारीहरुले   प्रतिघण्टा ५ हजर ९ सय ४० वन, ६ हजार १ सय २० वनमा सम्झौता गर्न मध्यमार्गी प्रस्ताब अघि सरेका थिए |

बैठक निष्कर्ष बिहीन भएपछि समितिको कार्यालय अघि मजदूर संगठन प्रतिनीधिहरुले पत्रकार सम्मेलन गरेका थिए | अहिले ती प्रतिनिधिहरु बसबाट सोल आउदै गरेको प्रवासी मजदूर युनियनका अध्यक्ष जानकारी दिए |

अध्यक्ष राईका अनुसार ज्याला निर्धारणका लागि बुधबार बेलुका मतदान हुने सम्भावना रहेको छ | ओईसिडीका मुख्य सदस्यहरु मध्ये मजदूरको तलब कोरियामा सबैभन्दा कम रहेका कारण, प्रवासी ,अस्थायी तथा महिला मजुदूरको जिबनस्तर उकास्न प्रतिघन्टा १० हजार वन हुनुपर्ने माग केसिटियु र एमटियुले गर्दै आएका छन् |